എറണാകുളം: റൂറല്‍ എസ്പി എവി ജോര്‍ജിനെ സ്ഥലം മാറ്റി. തൃശൂര്‍ പൊലീസ് അക്കാദമിയിലേക്കാണ് മാറ്റിയിരിക്കുന്നത്. ശ്രീജിത്തിന്റെ കസ്റ്റഡി മരണത്തില്‍ റൂറല്‍ എസ് പിക്കെതിരെയും ആരോപണം ഉയര്‍ന്നിരുന്നു. അറസ്റ്റിലായ ആര്‍ടിഎഫുകാരുടെ ചുമതല എ.വി.ജോര്‍ജിനായിരുന്നു. തൃശൂര്‍ സിറ്റി കമ്മീഷണര്‍ രാഹുല്‍ ആര്‍ നായര്‍ക്കാണ് പകരം ചുമതല. ഇതു സംബന്ധിച്ച് ചീഫ് സെക്രട്ടറി ഉത്തരവിറക്കി. ശ്രീജിത്തിന്റെ കസ്റ്റഡിമരണവുമായി ബന്ധപ്പെട്ട് ന്യായീകരണങ്ങളുമായി എവി ജോര്‍ജ് എത്തിയിരുന്നു. എവി ജോര്‍ജിനെ മാറ്റുമെന്ന് നേരത്തെ തന്നെ സൂചനയുണ്ടായിരുന്നു. വരാപ്പുഴ വീടാക്രമണവുമായി ബന്ധപ്പെട്ട് എവി ജോര്‍ജിന്റെ നേതൃത്വത്തിലുള്ള […]
തിരുവനന്തപുരം: സിപിഎമ്മുമായി സഹകരിച്ചാല്‍ ബിജെപിയെ നേരിടാമെന്ന് വിശ്വസിക്കുന്നില്ലെന്ന് കെപിസിസി അധ്യക്ഷന്‍ എം എം ഹസ്സന്‍. രാഷ്ട്രീയ ഫാസിസ്റ്റുകളുമായി ഒരുതരത്തിലുള്ള ബന്ധവും ആഗ്രഹിക്കുന്നില്ലെന്നും ഹസ്സന്‍ പ്രതികരിച്ചു. നേരത്തെ സിപിഎം കോണ്‍ഗ്രസ് ആയി മാറിയെന്നും സഖ്യവും ധാരണയും തമ്മിലുള്ള വ്യത്യാസമെന്തെന്ന് ജനങ്ങളോട് പറയണമെന്നും കുമ്മനം പറഞ്ഞിരുന്നു. ചെങ്ങന്നൂരില്‍ സിപിഎം-കോണ്‍ഗ്രസ് സംയുക്ത സ്ഥാനാര്‍ഥിയെ നിര്‍ത്തുമോയെന്നും കുമ്മനം ചോദിച്ചിരുന്നു.
തിരുവനന്തപുരം: ശമ്പള പരിഷ്‌കരണം അട്ടിമറിക്കുന്നതിന് എതിരെ സ്വകാര്യ ആശുപത്രി നഴ്സുമാര്‍ ലോങ്മാര്‍ച്ച് നടത്തും. യുഎന്‍ഐയുടെ നേതൃത്വത്തിലാണ് മാര്‍ച്ച്. ചേര്‍ത്തല മുതല്‍ തിരുവനന്തപുരം വരെ നീളുന്ന ലോങ്മാര്‍ച്ച് ഈ മാസം 24ന് ആരംഭിക്കും. നഴ്സുമാരുടെ സംസ്ഥാനവ്യാപക പണിമുടക്കും അന്ന് നടക്കും. നഴ്സുമാരുടെ മിനിമം വേതനം 20,000 രൂപയാക്കിക്കൊണ്ടുള്ള പ്രഖ്യാപനം വന്ന് എട്ട് മാസം പിന്നിട്ടിട്ടും അതുമായി ബന്ധപ്പെട്ട ഉത്തരവ് പുറത്തിറങ്ങിയിട്ടില്ല. ഇതിനെതിരെയാണ് ലോങ്മാര്‍ച്ചും പണിമുടക്കും. 243 ദിവസമായി നഴ്സുമാര്‍ സമരം തുടരുന്ന ചേര്‍ത്തല കെ.വി.എം ആശുപത്രിയ്ക്ക് മുന്നില്‍ നിന്നാരംഭിക്കുന്ന […]
കൊച്ചി: അറസ്റ്റിലായ എസ്.ഐ ദീപക് വരാപ്പുഴ കസ്റ്റഡി മരണത്തില്‍ ഒന്നാം പ്രതി ആയേക്കും. ദീപക്കിന് മേല്‍ പ്രത്യേക അന്വേഷണ സംഘം കൊലക്കുറ്റം ചുമത്തി. കസ്റ്റഡിയില്‍ കഴിയുന്ന ഒലീസുകാരുടെ ജാമ്യാപേക്ഷ പറവൂര്‍ കോടതി ഇന്ന് പരിഗണിക്കും. ദീപക്കിനെയും ഇന്ന് കോടതിയില്‍ ഹാജരാക്കും. കസ്റ്റഡി മര്‍ദ്ദനത്തെ തുടര്‍ന്ന് ശ്രീജിത്ത് അവശനിലയില്‍ ആശുപത്രിയില്‍ പ്രവേശിപ്പിക്കപ്പെട്ടപ്പോള്‍ മുതല്‍ ദീപക് സംശയ നിഴലിലായിരുന്നു. ദീപകിനെതിരെ ശ്രീജിത്തിന്റെ അമ്മയും ഭാര്യയും പല പ്രാവശ്യം പൊലീസിന് മൊഴി നല്‍കിയിരുന്നു. അവധിയിലായിരുന്നിട്ടും ദീപക് തിടുക്കപ്പെട്ട് പോലീസ് സ്റ്റേഷനിലെത്തി ശ്രീജിത്തിനെ […]
തിരുവനന്തപുരം. അമരവിള പാലത്തിന് സമീപം ഓമ്നി വാനും ബൈക്കും കൂട്ടിയിടിച്ച് പോളിടെക് നിക് വിദ്യാര്‍ഥി നെയ്യാറ്റിന്‍കര ആറാലുമൂട് വഴിമുക്ക് വലിയപ്ലാങ്കാലവിളയില്‍ സൈനുദ്ദീന്‍(19) മരിച്ചു. സഹയാത്രികനായ ആറാലുംമൂട് സ്വദേശി അഖിലിനെ (20) ഗുരുതര പരിക്കുകളോടെ നെയ്യാറ്റിന്‍കരയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തിരുവനന്തപുരം എയര്‍പോര്‍ട്ടില്‍ പോയി മടങ്ങിയ തമിഴ്നാട് രജിസ്ട്രേഷനുളള ഓമ്നി വാനാണ് ഇടിച്ചത്. കെ.എസ്.ആര്‍.ടി.സി ബസിനെ ഓവര്‍ടേക്ക് ചെയ്ത് വന്ന ബൈക്കിനെ എതിരെ വന്ന കാര്‍ ഇടിച്ച് തെറിപ്പിക്കുകയായിരുന്നു. തമിഴ്നാട്ടിലെ സ്വകാര്യ പോളിടെക് നിക്കില്‍ പരിക്ഷ കഴിഞ്ഞ് മടങ്ങുകയായിരുന്നു […]
പാലാ: കോട്ടയം പാലായില്‍ വാഹനാപകടത്തില്‍ വിദ്യാര്‍ഥിനി മരിച്ചു. ബിരുദ വിദ്യാര്‍ഥിനി അശ്വതി(19) ആണ് മരിച്ചത്. പാലാ- പൊന്‍കുന്നം റോഡില്‍ കടയത്തുവച്ച് നിയന്ത്രണംവിട്ട ഓട്ടോ അശ്വതിയെ ഇടിക്കുകയായിരുന്നു.
കൊച്ചി: ഇടപ്പള്ളിയില്‍ യുവതിയെ കൊന്ന ശേഷം യുവാവ് ആത്മഹത്യ ചെയ്തു. നൗഫല്‍, മീര എന്നിവരാണ് മരിച്ചത്. അമ്മയ്ക്കും നാല് വയസുള്ള മകള്‍ക്കുമൊപ്പം പോണേക്കരയിലെ വാടക വീട്ടിലായിരുന്നു മീര താമസിച്ചിരുന്നത്. ഈ വീട്ടില്‍ വെച്ചാണ് സംഭവം നടന്നത്. വിവാഹമോചിതയായ മീരയും നൗഫലും തമ്മില്‍ ഏറെ നാളായി അടുപ്പത്തിലായിരുന്നു. ഇതിനിടെ മീരയ്ക്ക് മറ്റൊരാളുമായി ബന്ധം ഉണ്ടെന്ന് ആരോപിച്ച് നൗഫല്‍ മീരയുമായി പതിവായി വാക്കുതര്‍ക്കത്തിലേര്‍പ്പെടാറുണ്ടായിരുന്നു. ഇതേ തുടര്‍ന്നുള്ള വൈരാഗ്യമാണ് കൊലപാതകത്തിലേക്കും ആത്മഹത്യയിലേക്കും നയിച്ചതെന്നാണ് നാട്ടുകാരുടെ അനുമാനം. മൃതദേഹം കണ്ടെത്തിയ മുറിയില്‍ നിന്ന് […]
കൊച്ചി: സംസ്ഥാനത്ത് ഇന്ന് സ്വര്‍ണ വിലയില്‍ നേരിയ കുറവ് രേഖപ്പെടുത്തി. പവന് 80 രൂപ കുറഞ്ഞ് 23,200 രൂപയിലാണ് വ്യാപാരം നടക്കുന്നത്. ഗാമിന് 10 രൂപ താഴ്ന്ന് 2,900 രൂപയാണ്. തുടര്‍ച്ചയായ ണ്ടു ദിവസത്തിന് ശേഷമാണ് വിലയില്‍ മാറ്റമുണ്ടാകുന്നത്.
കൊല്ലം: കൊല്ലം പുത്തൂരില്‍ നവജാതശിശുവിന്റെ മൃതദേഹം കണ്ടെത്തി. മൂന്നു ദിവസം പ്രായമായ മൃതദേഹമാണു കുറ്റിക്കാട്ടില്‍ കണ്ടെത്തിയത്. മൃതദേഹം തിരിച്ചറിയാന്‍ കഴിഞ്ഞിട്ടില്ലെന്നു പോലീസ് അറിയിച്ചു.
മലപ്പുറം: കത്തുവ സംഭവത്തില്‍ പ്രതിഷേധിച്ച് സംസ്ഥാനത്ത് സോഷ്യല്‍മീഡിയ വഴി ഹര്‍ത്താലിന് ആഹ്വാനം ചെയ്ത വാട്സാപ്പ് ഗ്രൂപ്പിന്റെ അഡ്മിന്‍ പത്താം ക്ലാസുകാരന്‍. പ്രായപൂര്‍ത്തി ആകാത്തതിനാല്‍ ഇയാളെ കസ്റ്റഡിയിലെടുത്തിട്ടില്ല. ഹര്‍ത്താലിനും കലാപത്തിനും ആഹ്വാനം ചെയ്ത വാട്സാപ്പ് ഗ്രൂപ്പിന്റെ അഡ്മിന്‍ 16 വയസുകാരനായ ലപ്പുറം കൂട്ടായി സ്വദേശിയാണ്. വോയ്‌സ് ഓഫ് യൂത്ത് എന്ന വാട്സാപ്പ് ഗ്രൂപ്പുകള്‍ വഴിയാണ് മലപ്പുറത്ത് സന്ദേശങ്ങള്‍ പ്രചരിപ്പിച്ചത്. ഇയാളുടെ കൈയ്യില്‍ നിന്നും മൊബൈല്‍ ഫോണ്‍ പിടിച്ചെടുത്തിട്ടുണ്ട്. മറ്റു ചില വാട്സാപ്പ് ഗ്രൂപ്പ് അഡ്മിന്‍മാരും പൊലീസിന്റെ നിരീക്ഷണത്തിലാണ്. ഹര്‍ത്താലില്‍ […]
