ആര്‍ത്തവമുള്ള സ്ത്രീകള്‍ക്ക് അശുദ്ധികല്‍പ്പിക്കുന്നത് ക്രിമിനല്‍ കുറ്റം

ആര്‍ത്തവമുള്ള സ്ത്രീകള്‍ക്ക് അശുദ്ധികല്‍പ്പിക്കുന്നത് ക്രിമിനല്‍ കുറ്റം

കാഠ്മണ്ടു: ആര്‍ത്തവം വരുന്ന സ്ത്രീകള്‍ക്ക് അശുദ്ധി കല്‍പ്പിക്കുന്നത് ക്രിമിനല്‍ കുറ്റമാണെന്ന് വിധിച്ച് നേപ്പാള്‍ പാര്‍ലമെന്റ്. ആര്‍ത്തവ സമയത്ത് സ്ത്രീകളെ വീടിന് പുറത്താക്കുന്ന ചടങ്ങ് ക്രിമിനല്‍ നിയമത്തിന്റെ പരിധിയില്‍ കൊണ്ടുവരുന്ന നിയമം നേപ്പാള്‍ ഗവണ്‍മെന്റ് പാസ്സാക്കി.

നൂറ്റാണ്ടുകളായി ഹൈന്ദവ ആചാര പ്രകാരം തുടരുന്ന ചൗപ്പദി എന്ന ദുരാചാരത്തിനാണ് വിലക്കേര്‍പ്പെടുത്തിയത്. ആര്‍ത്തവ സമയത്ത് സ്ത്രീകളെ വീടിന് ദൂരെയുള്ള ഒറ്റപ്പെട്ട ഷെഡില്‍ പാര്‍പ്പിക്കുന്ന രീതിയുണ്ട്. ചൗഗോത്ത് എന്നാണ് ഈ ഷെഡുകളെ വിളിക്കുന്നത്. ഇനി മുതല്‍ ഈ രീതി ആവര്‍ത്തിച്ചാല്‍ 3000 രൂപ പിഴയും മൂന്നു മാസം ജയില്‍ വാസമോ അനുഭവിക്കണം. കഴിഞ്ഞ മാസം ചൗഗോത്തില്‍ പാര്‍പ്പിച്ച പെണ്‍കുട്ടി പാമ്പു കടിയേറ്റ് മരിച്ചതിന് പിന്നാലെയാണ് നിയമം.

2016ലും രണ്ടു സ്ത്രീകള്‍ മരിച്ചിരുന്നു. റിപ്പോര്‍ട്ട് ചെയ്യാത്ത നിരവധി മരണങ്ങളുമുണ്ട്. ആര്‍ത്തവുമായി ബന്ധപ്പെട്ട് ഒരു സ്ത്രീയെ ആ സമയത്തോ അതിനു മുന്‍പോ ഏതെങ്കിലും വിവേചനത്തിനോ തൊട്ടു കൂടായ്മയ്ക്കോ വിധേയമാക്കുകയോ അവള്‍ക്കെതിരെ മനുഷ്യത്വ രഹിതമായി പ്രവര്‍ത്തിക്കുകയോ ചെയ്യരുത് എന്നാണ് നിയമം അനുശാസിക്കുന്നത്. ഇത്തരത്തില്‍ പല ദുരാചാരങ്ങളും പൊളിച്ചു മാറ്റാന്‍ ഇത് മാതൃകയാകുമെന്നും പാര്‍ലമെന്റും സാമുഹ്യ പ്രവര്‍ത്തകരും പറഞ്ഞു.

Leave a Reply

Your email address will not be published.