ബേക്കല്‍ ഫോര്‍ട്ട് ലയണ്‍സ് ക്ലബ്ബ് ചിത്രരചനാ മത്സരം സംഘടിപ്പിച്ചു

ബേക്കല്‍ ഫോര്‍ട്ട് ലയണ്‍സ് ക്ലബ്ബ് ചിത്രരചനാ മത്സരം സംഘടിപ്പിച്ചു

കാഞ്ഞങ്ങാട്: ബേക്കല്‍ ഫോര്‍ട്ട് ലയണ്‍സ് ക്ലബ് പാലക്കുന്ന് ഗ്രീന്‍ വുഡ്‌സ് സ്‌കൂളില്‍ സംഘടിപ്പിച്ച ചിത്രരചനാ മത്സരത്തില്‍ ജില്ലയിലെ വിവിധ വിദ്യാലയങ്ങളില്‍ നിന്നായി നിരവധി വിദ്യാര്‍ഥികളാണ് മത്സരത്തില്‍ പങ്കെടുത്തത്.

എല്‍.പി, യു.പി, ഹൈസ്‌കൂള്‍ എന്നീ വിഭാഗങ്ങളിലായി ലോക സമാധാനം എന്ന വിഷയത്തില്‍ നടന്ന മത്സരത്തില്‍ കൊച്ചു കലാകാരന്മാര്‍ വര്‍ണ്ണങ്ങളില്‍ വിസ്മയം തീര്‍ക്കുകയായിരുന്നു. കാഞ്ഞങ്ങാട് പ്രസ് ഫോറം പ്രസിഡണ്ട് ഇ.വി. ജയകൃഷ്ണന്‍ പരിപാടി ഉദ്ഘാടനം ചെയ്തു. ബേക്കല്‍ ഫോര്‍ട്ട് ലയണ്‍സ് ക്ലബ് പ്രസിഡണ്ട് എം. ബി ഹനീഫ് അധ്യക്ഷത വഹിച്ചു.

മോഹന്‍ ചന്ദ്രന്‍, പി.എം അബ്ദുല്‍ നാസര്‍, പ്രകാശന്‍ മാസ്റ്റര്‍, ഗോവിന്ദന്‍ നമ്പൂതിരി തെക്കില്ലത്ത്, അന്‍വര്‍ ഹസ്സന്‍ എം.കെ, ഹാറൂണ്‍ ചിത്താരി എന്നിവര്‍ പ്രസംഗിച്ചു.

Leave a Reply

Your email address will not be published.