അണങ്കൂര്‍ മേഖലയില്‍ ചില്‍ഡ്രന്‍സ് പാര്‍ക്ക് സ്ഥാപിക്കണം: എം എസ് എഫ്

അണങ്കൂര്‍ മേഖലയില്‍ ചില്‍ഡ്രന്‍സ് പാര്‍ക്ക് സ്ഥാപിക്കണം: എം എസ് എഫ്

തുരുത്തി: അണങ്കൂര്‍ മേഖലയിലെ വിദ്യാര്‍ത്ഥികള്‍ക്കും കുട്ടികള്‍ക്കും രക്ഷിതാക്കള്‍ക്കൊപ്പം ഒഴിവു ദിവസങ്ങളിലും വൈകുന്നേരങ്ങളിലും ഒന്നിച്ചിരിക്കാനും കളിക്കാനും പറ്റിയ ചില്‍ഡ്രന്‍സ് പാര്‍ക്ക് സ്ഥാപിക്കണമെന്ന് എം എസ് എഫ് തുരുത്തി ശാഖ ആവശ്യപ്പെട്ട് കാസറഗോഡ് മുനിസിപ്പല്‍ ചെയര്‍പേഴ്‌സണ്‍ ബീഫാത്തിമ ഇബ്രാഹിമിന് നിവേദനം നല്‍കി.

നിരവധി പ്രദേശങ്ങള്‍ കൂടിച്ചേരുന്ന അണങ്കൂര്‍ മേഖലയില്‍ വിദ്യാര്‍ത്ഥികള്‍ക്ക് ഉപയോഗക്കാവുന്ന രീതിയിലുള്ള പാര്‍ക്കോ, പൊതു സ്ഥലമോ നിലവില്‍ ഇല്ല. ഈ ആവശ്യം 2018-19 നഗരസഭാ ബജറ്റില്‍ ഉള്‍പ്പെടുത്തി പരിഗണിക്കണമെന്ന് എം.എസ്.എഫ് ഭാരവാഹികള്‍ ചെയര്‌പേഴ്‌സണിനോട് ആവശ്യപ്പെട്ടു.

എം.എസ്.എഫ് കാസറഗോഡ് ജില്ലാ ജനറല്‍ സെക്രട്ടറി സി.ഐ.എ ഹമീദ്, എം എസ് എഫ് നേതാക്കളായ ഖലീല്‍ അബൂബക്കര്‍, ഹബീബ് എ എച്ച് , ജസീല്‍ ടി.എം, മുബഷിര്‍ തുരുത്തി, നിസാമുദ്ദീന്‍ ബി എസ് എം, ഷിംസാറുല്‍ ഹഖ്, മുനവര്‍, ഇന്‍സാദ്, ഷാബില്‍ എന്നിവര്‍ സംബന്ധിച്ചു.

Leave a Reply

Your email address will not be published.