ഡോക്ടര്‍മാരുടെ സമരം ; ആരോഗ്യവകുപ്പുമായി ചര്‍ച്ച തുടങ്ങി

ഡോക്ടര്‍മാരുടെ സമരം ; ആരോഗ്യവകുപ്പുമായി ചര്‍ച്ച തുടങ്ങി

തിരുവനന്തപുരം: സംസ്ഥാനത്ത് സര്‍ക്കാര്‍ ഡോക്ടര്‍മാര്‍ നടത്തുന്ന സമരം ഒത്തു തീര്‍പ്പ് ആക്കാനുള്ള ചര്‍ച്ച തുടങ്ങി. സമരം ചെയ്യുന്ന ഡോക്ടര്‍മാരുമായി ആരോഗ്യ വകുപ്പ് ആണ് ചര്‍ച്ച തുടങ്ങിയത്. ഐ എം എ യുടെ അനുനയ നീക്കമാണ് ചര്‍ച്ചയ്ക്ക് വഴിയൊരുക്കിയത്.

തുടര്‍ച്ചയായ നാലാം ദിവസമാണ് രോഗികളെ വലച്ച് ഡോക്ടര്‍മാര്‍ പണിമുടക്കുന്നത്. ആശുപത്രികളുടെ ഒപി പ്രവര്‍ത്തനത്തെ സമരം സാരമായി ബാധിച്ചു. പലയിടങ്ങളിലും സ്പെഷ്യാലിറ്റി ഒപി മുടങ്ങി.

ഡോക്ടര്‍മാര്‍ നടത്തുന്ന സമരം ശക്തമായി നേരിടാന്‍ മന്ത്രിസഭായോഗത്തില്‍ ധാരണയായിരുന്നു. സമരം ചെയ്യുന്ന ഡോക്ടര്‍മാരെ ചര്‍ച്ചയ്ക്ക് വിളിക്കേണ്ടെന്നും സമരം നിര്‍ത്തി വന്നാല്‍ മാത്രം ചര്‍ച്ചയെന്നും മന്ത്രിസഭാ യോഗത്തില്‍ തീരുമാനമായി.ഇതിന്റെ ഭാഗമായി, കെ ജി എം ഒ എ പ്രസിഡന്റ് ഡോ റൗഫ് സെക്രട്ടറി ഡോ ജിതേഷ് എന്നിവരെ സ്ഥലം മാറ്റിയിരുന്നു.

Leave a Reply

Your email address will not be published.