കാറ്റില്‍ തെങ്ങ് വീടിന് മുകളിലേക്ക് ഒടിഞ്ഞു വീണു: രോഗിയായ വയോധികയും മകളും രക്ഷപ്പെട്ടത് അത്ഭുതകരമായി

ഹരിപ്പാട്: ശക്തമായ കാറ്റില്‍ വീടിന് മുകളിലേക്ക് തെങ്ങ് ഒടിഞ്ഞു വീണു. രോഗിയായ വയോധികയും മകളും പരിക്കേല്‍ക്കാതെ അത്ഭുതകരമായി രക്ഷപ്പെട്ടു. ഹരിപ്പാട് ചെറുതന പാണ്ടി പോച്ച കൊച്ചുമെതിക്കളം മറിയക്കുട്ടി ജോസഫിന്റെ വീടിന് മുകളിലേക്കാണ് തെങ്ങ് ഒടിഞ്ഞു വീണത്. വീട്ടിലുള്ളവര്‍ തലനാരിഴയ്ക്കാണ് രക്ഷപ്പെട്ടത്. ഇന്നലെ വൈകിട്ടാണ് അപകടം നടന്നത്. തെങ്ങ് വീടിന്റെ ഭാഗത്തേയ്ക്ക് ചരിഞ്ഞ് നില്‍ക്കുകയായിരുന്നു. വെള്ളിയാഴ്ച രാത്രിയില്‍ ഉണ്ടായ ശക്തമായ കാറ്റിന് പിന്നാലെയാണ് തെങ്ങ് വീടിന് മുകളിലേക്ക് ഒടിഞ്ഞുവീണത്.സവീട്ടില്‍ കിടപ്പിലായ വയോധികയും ഭിന്നശേഷിക്കാരനായ മകനുമാണ് താമസിക്കുന്നത്. അടുത്ത വീട്ടില്‍ താമസിക്കുന്ന മകളും ഭര്‍ത്താവും ചേര്‍ന്നാണ് വീട്ടുകാര്യങ്ങള്‍ നടത്തിയിരുന്നത്. തെങ്ങ് വീഴുമ്‌ബോള്‍ അമ്മ കട്ടിലിലും മകള്‍ അടുക്കളയിലുമായിരുന്നു. വീഴ്ചയുടെ ആഘാതത്തില്‍ വീടിന് കേടുപാടുകള്‍ സംഭവിച്ചിട്ടുണ്ട്.

Leave a Reply

Your email address will not be published. Required fields are marked *