ആമി പ്രദര്‍ശിപ്പിക്കാന്‍ വിലക്കില്ല; സെന്‍സര്‍ ബോര്‍ഡിന് തീരുമാനിക്കാം, ഹര്‍ജി ഹൈക്കോടതി തള്ളി

ആമി പ്രദര്‍ശിപ്പിക്കാന്‍ വിലക്കില്ല; സെന്‍സര്‍ ബോര്‍ഡിന് തീരുമാനിക്കാം, ഹര്‍ജി ഹൈക്കോടതി തള്ളി

കൊച്ചി: കമല്‍ സംവിധാനം ചെയ്ത ‘ആമി’ എന്ന ചിത്രത്തിന്റെ പ്രദര്‍ശനം തടയണമെന്ന് ആവശ്യപ്പെട്ട് സമര്‍പ്പിച്ച ഹര്‍ജി ഹൈക്കോടതി തള്ളി. സെന്‍സര്‍ ബോര്‍ഡ് അടക്കമുള്ള സ്ഥാപനങ്ങള്‍ക്ക് ഉചിതമായ തീരുമാനം കൈക്കൊള്ളാമെന്നും ഹൈക്കോടതി ചൂണ്ടിക്കാട്ടി. സിനിമ മതസ്പര്‍ദ്ധ വളര്‍ത്തുന്നതിനാല്‍ പ്രദര്‍ശനം തടയണമെന്ന് ആവശ്യപ്പെട്ട് എറണാകുളം ഇടപ്പള്ളി സ്വദേശി കെ.പി രാമചന്ദ്രനാണ് ഹൈക്കോടതിയില്‍ ഹര്‍ജി സമര്‍പ്പിച്ചത്.

ശശീന്ദ്രനെതിരായ കേസ് റദ്ദാക്കിയ സാഹചര്യം വിശദീകരിക്കണമെന്ന് സര്‍ക്കാരിനോട് കോടതി

ശശീന്ദ്രനെതിരായ കേസ് റദ്ദാക്കിയ സാഹചര്യം വിശദീകരിക്കണമെന്ന് സര്‍ക്കാരിനോട് കോടതി

തിരുവനന്തപുരം : എ.കെ ശശീന്ദ്രനെതിരായ ഫോണ്‍വിളി കേസ് റദ്ദാക്കിയ സാഹചര്യം വിശദീകരിക്കണമെന്ന് സര്‍ക്കാരിനോട് ഹൈക്കോടതി. കേസില്‍ ശശീന്ദ്രനെ കുറ്റവിമുക്തനാക്കിയ കീഴ്‌ക്കോടതി വിധിയ്‌ക്കെതിരെ ഹൈക്കോടതിയില്‍ ഹര്‍ജി ലഭിച്ച സാഹചര്യത്തിലാണ് ഹൈക്കോടതി വിശദീകരണം തേടിയത്. കീഴ്‌ക്കോടതി വിധി റദ്ദാക്കിയ കേസില്‍ നിയമനടപടി തുടരണമെന്നാണ് ഹര്‍ജിയിലെ ആവശ്യം. ഈ മാസം 8ന് കേസ് പരിഗണിക്കും. കേസ് അവസാനിപ്പിക്കരുതെന്ന് ആവശ്യപ്പെട്ട് തിരുവനന്തപുരം സിജെഎം കോടതിയില്‍ ഹര്‍ജി നല്‍കിയിരുന്ന മഹാലക്ഷ്മി തന്നെയാണ് ഹൈക്കോടതിയേയും സമീപിച്ചിരുന്നത്. കേസില്‍ കുറ്റവിമുക്തനായ ശശീന്ദ്രനെ മന്ത്രിയാക്കണമെന്ന് എന്‍.സി.പി സംസ്ഥാന നേതൃത്വം […]

കെ.ബാബുവിനെതിരായ കേസ്: ബാബുറാമിന്റെ ഹര്‍ജി ഹൈക്കോടതി തീര്‍പ്പാക്കി

കെ.ബാബുവിനെതിരായ കേസ്: ബാബുറാമിന്റെ ഹര്‍ജി ഹൈക്കോടതി തീര്‍പ്പാക്കി

കൊച്ചി: മുന്‍ മന്ത്രി കെ. ബാബുവിനെതിരായ അനധികൃത സ്വത്ത് സമ്പാദന കേസ് റദ്ദാക്കണമെന്ന് ആവശ്യപ്പെട്ട് നല്‍കിയ ഹര്‍ജി ഹൈക്കോടതി തീര്‍പ്പാക്കി. രണ്ട് മാസത്തിനകം അന്തിമ അന്വേഷണ റിപ്പോര്‍ട്ട് നല്‍കുമെന്ന വിജിലന്‍സ് ഡയക്ടറുടെ വിശദീകരണത്തെ തുടര്‍ന്നാണ് കേസ് തീര്‍പ്പാക്കിയത്. ബാബുവിന്റെ ബിനാമിയാണെന്ന ആരോപണമുയര്‍ന്നതിനെ തുടര്‍ന്നാണ് ബാബുറാം കോടതിയെ സമീപിച്ചത്. ബാബുറാമിനെതിരെ കേസില്‍ തെളിവില്ലന്ന് വിജിലന്‍സ് കോടതിയെ അറിയിച്ചിരുന്നു. അന്വേഷണ ഉദ്യോഗസ്ഥന്റെ മറുപടി സ്വീകാര്യമല്ലെന്ന് കോടതി വ്യക്തമാക്കിയ സാഹചര്യത്തിലാണ് വിജിലന്‍സ് ഡയറക്ടര്‍ വിശദീകരണം നല്‍കിയത്.

രണ്ടുതരത്തിലുള്ള പാസ്‌പോര്‍ട്ട് ; നിയമപോരാട്ടത്തിനൊരുങ്ങി പ്രവാസികള്‍

രണ്ടുതരത്തിലുള്ള പാസ്‌പോര്‍ട്ട് ; നിയമപോരാട്ടത്തിനൊരുങ്ങി പ്രവാസികള്‍

ന്യൂഡല്‍ഹി: ഇന്ത്യന്‍ പൗരന്‍മാര്‍ക്ക് രണ്ടുതരത്തിലുള്ള പാസ്‌പോര്‍ട്ട് നല്‍കാനൊരുങ്ങുന്ന കേന്ദ്ര സര്‍ക്കാര്‍ തീരുമാനത്തിനെതിരെ പ്രവാസികള്‍. മുഴുവന്‍ സംസ്ഥാനങ്ങളിലെയും ഹൈക്കോടതികളില്‍ റിട്ട് ഹര്‍ജി ഫയല്‍ ചെയ്യാന്‍ ഒരുങ്ങുകയാണ് പ്രവാസികളായ അഭിഭാഷകര്‍. ഭരണഘടന ഉറപ്പുനല്‍കുന്ന തുല്യതക്കുള്ള അവകാശത്തിന്റെ ലംഘനമാണ് രണ്ടുതരം പാസ്‌പോര്‍ട്ടെന്നാണ് അഭിഭാഷകര്‍ പറയുന്നത്. വിദേശത്തെ ഇന്ത്യന്‍ അഭിഭാഷക സമൂഹം ഇക്കാര്യം ചൂണ്ടിക്കാട്ടി മുഴുവന്‍ സംസ്ഥാനങ്ങളിലെയും ഹൈക്കോടതികളെ സമീപിക്കുന്ന നിയമപോരാട്ടത്തിന് ഒരുങ്ങുകയാണെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.

ഗുര്‍മീതിന്റെ പീഡനക്കഥകളെ കടത്തിവെട്ടും ബാബാ സച്ചിദാനന്ദിന്റെ ലീലാവിലാസങ്ങള്‍

ഗുര്‍മീതിന്റെ പീഡനക്കഥകളെ കടത്തിവെട്ടും ബാബാ സച്ചിദാനന്ദിന്റെ ലീലാവിലാസങ്ങള്‍

ഡല്‍ഹി: വിവാദ ആള്‍ദൈവം ബാബാ സച്ചിദാനന്ദിനെതിരെ പുറത്ത് വരുന്നത് ഞെട്ടിക്കുന്ന പീഡനക്കഥകള്‍. ഡല്‍ഹിയിലെ രോഹിണി ആശ്രമത്തില്‍ നിന്ന് പെണ്‍കുട്ടികളെ രക്ഷപ്പെടുത്തി. ദില്ലി വനിതാ കമ്മീഷന്‍ അംഗങ്ങള്‍, ശിശുക്ഷേമ കമ്മറ്റി, ദില്ലി പൊലീസ് എന്നിവരുള്‍പ്പെട്ട സംഘമാണ് ആശ്രമത്തില്‍ നിന്ന് 40 പെണ്‍കുട്ടികളെ രക്ഷപ്പെടുത്തിയത്. ആശ്രമത്തിലെ പീഡനകഥകള്‍ പുറംലോകമറിഞ്ഞതോടെ ഡല്‍ഹി ഹൈക്കോടതിയുടെ ഇടപെടലിനെ തുടര്‍ന്നാണ് നീക്കം. വിവാദ ആള്‍ദൈവം ബാബാ സച്ചിദാനന്ദിനെതിരെ വിശ്വാസിയും ആശ്രമ അന്തോവാസിയുമായ യുവതിയുടെ പുതിയ വെളിപ്പെടുത്തല്‍ ഉണ്ടായിരുന്നു. ഉത്തര്‍പ്രദേശിലെ ബസ്തി ജില്ലയിലെ ആശ്രമത്തില്‍ കൂട്ട ബലാത്സംഗത്തിന് ഇരയായതായി വെളിപ്പെടുത്തിക്കൊണ്ടു […]

സുരേഷ് ഗോപിയെ ക്രൈംബ്രാഞ്ച് ചോദ്യം ചെയ്യുന്നു

സുരേഷ് ഗോപിയെ ക്രൈംബ്രാഞ്ച് ചോദ്യം ചെയ്യുന്നു

തിരുവനന്തപുരം: വ്യാജ വാഹന രജിസ്‌ട്രേഷന്‍ കേസില്‍ സുരേഷ് ഗോപി എംപിയെ ക്രൈംബ്രാഞ്ച് ചോദ്യം ചെയ്യുന്നു. തിരവനന്തപുരം ക്രൈംബ്രാഞ്ച് ആസ്ഥാനത്താണ് സുരേഷ് ഗോപിയെ ചോദ്യം ചെയ്യുന്നത്. വ്യാജരേഖ ചമച്ച് വാഹനം രജിസ്റ്റര്‍ ചെയ്തതിലൂടെ സംസ്ഥാന സര്‍ക്കാരിനെ കബളിപ്പിച്ച് നികുതി വെട്ടിപ്പ് നടത്തിയെന്നാണ് ക്രംബ്രാഞ്ച് സുരേഷ് ഗോപിക്കെതിരെ ചുമത്തിയിരിക്കുന്ന കുറ്റം. അതേസമയം കേസില്‍ സുരേഷ് ഗോപിയെ അറസ്റ്റു ചെയ്യരുതെന്ന് ഹൈക്കോടതി ഉത്തരവിട്ടിരുന്നു. സുരേഷ് ഗോപി സമര്‍പ്പിച്ച മൂന്‍കൂര്‍ ജാമ്യാപേക്ഷ പരിഗണിച്ചാണ് കോടതി ഉത്തരവ്. മൂന്നാഴ്ചത്തേക്കാണു സുരേഷ് ഗോപിയുടെ അറസ്റ്റ് തടഞ്ഞിരിക്കുന്നത്. […]

വാദം നീട്ടണമെന്ന് പ്രതികള്‍: ലാവ്‌ലിന്‍ കേസ് മാറ്റിവച്ചു

വാദം നീട്ടണമെന്ന് പ്രതികള്‍: ലാവ്‌ലിന്‍ കേസ് മാറ്റിവച്ചു

ന്യൂഡല്‍ഹി: ലാവ്‌ലിന്‍ കേസില്‍ ഹൈക്കോടതി വിധിക്കെതിരെ പ്രതികള്‍ സമര്‍പ്പിച്ച ഹര്‍ജി സുപ്രീം കോടതി മാറ്റിവച്ചു. വാദം കേള്‍ക്കുന്നത് നീട്ടിവയ്ക്കണമെന്ന് ആവശ്യപ്പെട്ട് പ്രതികള്‍ ഹര്‍ജി നല്‍കിയ സാഹചര്യത്തിലാണ് കേസ് പരിഗണിക്കുന്നത് മാറ്റി വച്ചത്. ലാവ്‌ലിന്‍ കേസുമായി ബന്ധപ്പെട്ട രേഖകള്‍ സമര്‍പ്പിക്കാന്‍ ഒരു മാസത്തെ സാവകാശം വേണമെന്ന് നാലാം പ്രതിയും കെ.എസ്.ഇ.ബി മുന്‍ ചീഫ് എഞ്ചിനീയറുമായ കസ്തൂരിരംഗ അയ്യര്‍ ആവശ്യപ്പെട്ടിരുന്നു. നാലാഴ്ചത്തേക്ക് മാറ്റി വയ്ക്കണമെന്നായിരുന്നു പ്രതികളുടെ ഹര്‍ജി.

മന്ത്രിയാകാന്‍ ധൃതിയില്ല; എല്ലാ കാര്യങ്ങളും പാര്‍ട്ടി തീരുമാനിക്കട്ടെയെന്ന് എകെ ശശീന്ദ്രന്‍

മന്ത്രിയാകാന്‍ ധൃതിയില്ല; എല്ലാ കാര്യങ്ങളും പാര്‍ട്ടി തീരുമാനിക്കട്ടെയെന്ന് എകെ ശശീന്ദ്രന്‍

കൊച്ചി: മന്ത്രിയാകാന്‍ തനിക്ക് ധൃതിയില്ലെന്ന് എ.കെ ശശീന്ദ്രന്‍. പാര്‍ട്ടി തീരുമാനിക്കുമ്പോള്‍ മാത്രമേ താന്‍ മന്ത്രിസ്ഥാനത്തേക്ക് വരികയുള്ളു, പാര്‍ട്ടിക്ക് വിധേയനായി മാത്രമേ എന്നും പ്രവര്‍ത്തിച്ചിട്ടുളളൂയെന്നും അദ്ദേഹം പറഞ്ഞു. ഫോണ്‍ വിളിവിവാദ കേസ് ഇന്ന് പരിഗണിച്ച ഹൈക്കോടതി എല്ലാ വശങ്ങളും പരിശോധിച്ച ശേഷമേ പരാതി പിന്‍വലിക്കാനാകൂയെന്ന് വ്യക്തമാക്കിയ സാഹചര്യത്തിലാണ് അദ്ദേഹത്തിന്റെ പ്രതികരണം. എല്ലാ കാര്യങ്ങളും പാര്‍ട്ടി തീരുമാനിക്കട്ടെയെന്നും അദ്ദേഹം കൂട്ടിചേര്‍ത്തു.

പ്രായപൂര്‍ത്തിയാകാത്ത സഹോദരിമാര്‍ ആത്മഹത്യ ചെയ്ത സംഭവം: പ്രതികളുടെ ജാമ്യം ഹൈക്കോടതി റദ്ദാക്കി

പ്രായപൂര്‍ത്തിയാകാത്ത സഹോദരിമാര്‍ ആത്മഹത്യ ചെയ്ത സംഭവം: പ്രതികളുടെ ജാമ്യം ഹൈക്കോടതി റദ്ദാക്കി

കൊച്ചി: വാളയാറില്‍ പീഡനത്തെ തുടര്‍ന്ന് പ്രായപൂര്‍ത്തിയാകാത്ത സഹോദരിമാര്‍ ആത്മഹത്യ ചെയ്ത കേസില്‍ പ്രതികളുടെ ജാമ്യം ഹൈക്കോടതി റദ്ദാക്കി. നാലാം പ്രതി ഒഴികെയുള്ള പ്രതികളുടെ ജാമ്യമാണ് റദ്ദാക്കിയത്. സെഷന്‍സ് കോടതി ജാമ്യം നല്‍കിയത് നിയമവിരുദ്ധമാണെന്ന് കണ്ടെത്തിയാണ് ഹൈക്കോടതിയുടെ നടപടി. വാളയാര്‍ അട്ടപ്പളത്ത് പതിമൂന്നും ഒമ്ബതും വയസ്സുള്ള സഹോദരിമാരെയാണ് പീഡനത്തിന് ഇരയാക്കിയത്. വീട്ടില്‍ തൂങ്ങിമരിച്ച നിലയില്‍ കണ്ടെത്തിയ കുട്ടികളുടെ മരണത്തില്‍ ദുരൂഹതയും ഉയര്‍ന്നിരുന്നു. സംഭവത്തില്‍ അയല്‍വാസിയായ 17കാരന്‍ ഉള്‍പ്പെടെ അഞ്ചു പേരെ പൊലീസ് അറസ്റ്റ് ചെയ്തിരുന്നു. പൊലീസ് പലതവണ ചോദ്യം […]

ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് പ്രോസിക്യൂഷന്‍ ഹര്‍ജി നല്‍കും

ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് പ്രോസിക്യൂഷന്‍ ഹര്‍ജി നല്‍കും

കൊച്ചി: നടിയെ ആക്രമിച്ച കേസില്‍ നടന്‍ ദിലീപിന് ഹൈക്കോടതി അനുവദിച്ച ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷന്‍ ഹര്‍ജി സമര്‍പ്പിക്കും. അങ്കമാലി ഒന്നാം ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയിലാണ് ഹര്‍ജി സമര്‍പ്പിക്കുക. ഡിജിപി ലോക്‌നാഥ് ബെഹ്‌റയും പ്രോസിക്യൂഷന്‍ ഡയറക്ടര്‍ ജനറല്‍ മഞ്ചേരി ശ്രീധരന്‍ നായരും നടത്തിയ ചര്‍ച്ചയെ തുടര്‍ന്നാണ് തീരുമാനം. ജാമ്യത്തിലിറങ്ങിയ ശേഷം ദിലീപ് സാക്ഷികളെ സ്വാധീനിക്കാന്‍ ശ്രമിച്ചെന്നും ദിലീപിന്റെ ജാമ്യം റദ്ദാക്കണമെന്നുമാണ് പ്രോസിക്യൂഷന്‍ ഇന്ന് കോടതിയെ അറിയിച്ചിരുന്നത്. കാവ്യയുടെ ഡ്രൈവറും കൊച്ചിയിലെ അഭിഭാഷകനും ചേര്‍ന്നാണ് സാക്ഷികളെ സ്വാധീനിക്കാന്‍ […]

1 2 3 6