തിരുവനന്തപുരത്ത് റംബുട്ടാന്‍ തൊണ്ടയില്‍ കുടുങ്ങി പന്ത്രണ്ടുകാരന്‍ മരിച്ചു

തിരുവനന്തപുരത്ത് റംബുട്ടാന്‍ തൊണ്ടയില്‍ കുടുങ്ങി പന്ത്രണ്ടുകാരന്‍ മരിച്ചു

തിരുവനന്തപുരം : റംബുട്ടാന്‍ തൊണ്ടയില്‍ കുടുങ്ങി പന്ത്രണ്ടുകാരന്‍ മരിച്ചു. തിരുവനന്തപുരം മംഗലപുരം സഫാ ആഡിറ്റോറിയത്തിന് സമീപം ജീനാ കോട്ടേജില്‍ ഷിബു പദ്മനാഭന്‍-സംഗീത ദമ്പതികളുടെ മകന്‍ ഭരത് ആഞ്ജനാണ് മരിച്ചത്. മേനംകുളം സെന്റ് മാര്‍ത്തോസ് സ്പെഷ്യല്‍ സ്‌കൂളിലെ വിദ്യാര്‍ത്ഥിയാണ് ആഞ്ജന്‍. വീട്ടില്‍ വച്ച് റംബുട്ടാന്‍ കഴിക്കുന്നതിനിടെ തൊണ്ടയില്‍ കുടുങ്ങി ശ്വാസതടസം നേരിട്ട ഭരതിനെ ഉടന്‍ സമീപത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി.

നവവധു വൈദ്യുത ലൈനില്‍ നിന്നും ഷോക്കേറ്റ് മരിച്ചു

നവവധു വൈദ്യുത ലൈനില്‍ നിന്നും ഷോക്കേറ്റ് മരിച്ചു

തൃശ്ശൂര്‍: തോട്ടി ഉപയോഗിച്ച് മുരിങ്ങയില പറിക്കുന്നതിനിടെ വൈദ്യുത ലൈനില്‍ നിന്നും ഷോക്കേറ്റ് നവവധു മരിച്ചു. വീടിന്റെ ടെറസ്സില്‍ നിന്നുകൊണ്ട് ഇരുമ്പ് തോട്ടി ഉപയോഗിച്ച് മുരിങ്ങയില പറിക്കുന്നതിനിടെയായിരുന്നു അപകടം. തൃശ്ശൂര്‍ ചെന്ത്രാപ്പിന്നി പടിഞ്ഞാറ്റയില്‍ സജിലിന്റെ ഭാര്യ അശ്വതിയാണ് മരിച്ചത്. 20 വയസ്സായിരുന്നു.

പൂജാരിയെ കുളത്തില്‍ മരിച്ച നിലയില്‍ കണ്ടെത്തി

പൂജാരിയെ കുളത്തില്‍ മരിച്ച നിലയില്‍ കണ്ടെത്തി

കാഞ്ഞങ്ങാട്: പൂജാരിയെ കുളത്തില്‍ മരിച്ച നിലയില്‍ കണ്ടെത്തി. കുറപ്പത്തി ദേവസ്ഥാന പൂജാരി കമ്മാടിയിലെ ചെമ്മന്‍ പൂജാരിയെ (72)യാണ് റാണിപുരം കുണ്ടുപ്പള്ളി കുറത്തിപ്പതിയില്‍ കുളത്തില്‍ മരിച്ച നിലയില്‍ കണ്ടെത്തിയത്. കഴിഞ്ഞ ദിവസം വൈകിട്ടാണ് സംഭവം. വിവരമറിഞ്ഞ് പോലീസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തി. ഭാര്യ: കല്യാണി. മക്കള്‍: ചന്ദ്രന്‍, രാജേഷ്, കുമാരന്‍, മല്ലിക.

വയോധികയായ വീട്ടമ്മയെ കുളിമുറിയില്‍ വീണ് മരിച്ച നിലയില്‍

വയോധികയായ വീട്ടമ്മയെ കുളിമുറിയില്‍ വീണ് മരിച്ച നിലയില്‍

കാഞ്ഞങ്ങാട്: വയോധികയായ വീട്ടമ്മയെ കുളിമുറിയില്‍ വീണ് മരിച്ച നിലയില്‍ കണ്ടെത്തി. പാണത്തൂര്‍ മാച്ചിപ്പള്ളിയിലെ വാസുവിന്റെ ഭാര്യ പൊന്നമ്മ(61)യെയാണ് കഴിഞ്ഞ ദിവസം വൈകിട്ടോടെ മരിച്ച നിലയില്‍ കണ്ടെത്തിയത്. ഭര്‍ത്താവ് വാസുവിനൊപ്പമാണ് പൊന്നമ്മ താമസം. ഉച്ചയോടെ പുറത്തുപോയ വാസു തിരിച്ചെത്തി നോക്കിയപ്പോഴാണ് കുളിമുറിയില്‍ മരിച്ച നിലയില്‍ കണ്ടെത്തിയത്. അമ്ബിളി, അനീഷ്, അജിത മക്കളാണ്. രാജപുരം പോലീസ് കേസെടുത്ത് അന്വേഷണം ആരംഭിച്ചു. കുളിമുറിയില്‍ തെന്നിവീണ് മരണപ്പെട്ടതായി സംശയിക്കുന്നതായി പോലീസ് പറഞ്ഞു.

രാഷ്ട്രപതി ഭവനില്‍ ജീവനക്കാരനെ മരിച്ച നിലയില്‍ കണ്ടെത്തി

രാഷ്ട്രപതി ഭവനില്‍ ജീവനക്കാരനെ മരിച്ച നിലയില്‍ കണ്ടെത്തി

ന്യൂഡല്‍ഹി: രാഷ്ട്രപതി ഭവനിലെ ഒരു ഉദ്യോഗസ്ഥന്റെ മൃതദേഹം കണ്ടെത്തി. പ്രസിഡന്റിന്റെ സെക്രട്ടേറിയേറ്റിലെ നാലാം ക്ലാസ്സ് ജീവനക്കാരനായ ത്രിലോക് ചന്ദിന്റെ മൃതദേഹമാണ് കണ്ടെത്തിയതെന്ന് ഡല്‍ഹി പൊലീസ് വ്യക്തമാക്കി. ജീവനക്കാരുടെ കോര്‍ട്ടേഴ്സില്‍ നിന്ന് കണ്ടെടുത്ത മൃതദേഹത്തിന് നാല് ദിവസത്തെ പഴക്കമുള്ളതായാണ് സൂചന. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം. അടഞ്ഞു കിടന്ന മുറിയില്‍ നിന്നും ദുര്‍ഗന്ധം വന്നതിനെ തുടര്‍ന്ന് ജീവനക്കാര്‍ പൊലീസില്‍ വിവരമറിയിക്കുകയും തുടര്‍ന്ന് പൊലീസെത്തി റൂമിന്റെ കതക് തകര്‍ത്താണ് മൃതദേഹം പുറത്തെടുത്തത്. മൃതദേഹ പരിശോധനയ്ക്ക് ശേഷം മാത്രമെ മരണകാരണം വ്യക്തമാവുകയുള്ളു.

നഗരത്തിലെ പഴയകാല വസ്ത്ര വ്യാപാരി എം.കെ മുഹമ്മദ് അന്തരിച്ചു

നഗരത്തിലെ പഴയകാല വസ്ത്ര വ്യാപാരി എം.കെ മുഹമ്മദ് അന്തരിച്ചു

തളങ്കര: നഗരത്തിലെ പഴയകാല ടെക്സ്‌റ്റൈല്‍ വ്യാപാരിയും വ്യാപാരി വ്യവസായി ഏകോപന സമിതിയുടെ ആദ്യകാല നേതാക്കളില്‍ ഒരാളുമായ തളങ്കര ദീനാര്‍ നഗര്‍ മുണ്ടപ്പതി റോഡില്‍ എം.കെ മുഹമ്മദ് (90) അന്തരിച്ചു. ദീര്‍ഘകാലം എം.എ ബസാറില്‍ ടെക്സ്‌റ്റൈല്‍ വ്യാപാരവും പിന്നീട് സ്വപ്ന സ്വീറ്റ്സ് എന്ന പേരില്‍ ബേക്കറിയും നടത്തിയിരുന്നു. 1944ല്‍ സ്ഥാപിതമായ തളങ്കര ഗവ. മുസ്ലിം ഹൈസ്‌കൂളിലെ ആദ്യ ബാച്ച് വിദ്യാര്‍ത്ഥിയായിരുന്നു. ഭാര്യ: പരേതയായ ആയിഷാബി. മക്കള്‍: അബ്ദുല്‍ഗഫൂര്‍ (വ്യാപാരി എറണാകുളം), ഷംസുദ്ദീന്‍ (സൗദി അറേബ്യ), ഫാറൂഖ് (ദുബായ്), മിസ്രിയ. […]

ബൈക്കുകള്‍ തമ്മില്‍ കൂട്ടിയിടിച്ച് ഒരാള്‍ മരിച്ചു: മറ്റൊരാള്‍ക്ക് ഗുരുതരം

ബൈക്കുകള്‍ തമ്മില്‍ കൂട്ടിയിടിച്ച് ഒരാള്‍ മരിച്ചു: മറ്റൊരാള്‍ക്ക് ഗുരുതരം

പയ്യന്നൂര്‍ : കരിവെള്ളൂര്‍ ഓണക്കുന്ന് ദേശീയപാതയില്‍ ബൈക്കുകള്‍ തമ്മില്‍ കൂട്ടിയിടിച്ച് ഒരാള്‍ മരിച്ചു. കണ്ടങ്കാളി സ്വദേശിയും കരിവെള്ളൂര്‍ മണക്കാട്ട് താമസിക്കുന്ന ഇലക്ട്രീഷ്യന്‍ എടാടന്‍ വിനോദ് കുമാറാണ് (47)മരിച്ചത്. സംസ്‌കാരം ഇന്ന് വൈകുന്നേരം നാലിന് കണ്ടന്‍കാളി സമുദായ ശ്മശാനത്തില്‍ നടക്കും. അപകടത്തില്‍ ഗുരുതരമായി പരിക്കേറ്റ കരിവെള്ളൂര്‍ ചെറുമൂലയിലെ ഉണ്ണി എന്ന ശ്രീകാന്ത് പൊതുവാള്‍(29) പരിയാരം മെഡിക്കല്‍ കോളേജാശുപത്രിയില്‍ തീവൃപരിചരണ വിഭാഗത്തില്‍ ചികിത്സയിലാണ്. ഇന്നലെ രാത്രി 9.45ന് ഓണക്കുന്ന് ജംഗ്ഷന് സമീപമാണ് അപകടം. പയ്യന്നൂര്‍ നിന്നും കരിവെള്ളൂരിലെ വീട്ടിലേക്ക് പോകുകയായിരുന്ന വിനോദ് […]

ബൈക്ക് അപകടത്തില്‍ ഗ്രാമപഞ്ചായത്ത് പ്രസിഡന്റിന്റെ മകന്‍ മരിച്ചു

ബൈക്ക് അപകടത്തില്‍ ഗ്രാമപഞ്ചായത്ത് പ്രസിഡന്റിന്റെ മകന്‍ മരിച്ചു

തൃശൂര്‍ : മാള അന്നമനടയില്‍ ബൈക്ക് അപകടത്തില്‍ ഗ്രാമപഞ്ചായത്ത് പ്രസിഡന്റിന്റെ മകന്‍ മരിച്ചു. അന്നമനട ക്രിസ്തുരാജ പള്ളിയുടെ മുന്‍വശത്ത് റോഡില്‍ രാവിലെ 10.30 ഓടെയായിരുന്നു അപകടം. അന്നമനട ഗ്രാമപഞ്ചായത്ത് പ്രസിഡന്റ് ടെസി ടൈറ്റസിന്റേയും തളിയത്ത് ടൈറ്റസിന്റെയും മകനായ ടിന്റു ടൈറ്റസ് (23) ആണ് മരിച്ചത്. ഗുരുതരമായി പരിക്കേറ്റ ടിന്റുവിനെ ചാലക്കുടിയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. പള്ളിയില്‍ നിന്ന് റോഡിലേക്ക് കയറി വന്ന ഓട്ടോറിക്ഷയുടെ പിന്നില്‍ ടിന്റു ഓടിച്ചിരുന്ന ബൈക്ക് ഇടിക്കുകയായിരുന്നുവെന്ന് പൊലീസ് പറഞ്ഞു. മാള പൊലീസ് […]

മെകുനു ചുഴലിക്കാറ്റിലും മഴയിലും പതിനൊന്ന് പേര്‍ മരിച്ചതായി ഔദ്യോഗിക സ്ഥിരീകരണം

മെകുനു ചുഴലിക്കാറ്റിലും മഴയിലും പതിനൊന്ന് പേര്‍ മരിച്ചതായി ഔദ്യോഗിക സ്ഥിരീകരണം

മസ്‌കറ്റ്: ഒമാനിലെ സലാലയില്‍ രൂപംകൊണ്ട മെകുനു ചുഴലിക്കാറ്റിലും മഴയിലും പതിനൊന്ന് പേര്‍ മരിച്ചതായി ഔദ്യോഗിക സ്ഥിരീകരണം. വെള്ളപ്പാച്ചിലില്‍ ഒരു മലയാളി ഉള്‍പ്പെടെ രണ്ട് ഇന്ത്യക്കാരെ കാണാതായിരുന്നു. ഇതില്‍ ബിഹാര്‍ സ്വദേശി ഷംസീറി(30)ന്റെ മൃതദേഹം കണ്ടെത്തിയതായി അധികൃതര്‍ അറിയിച്ചു. ഹാഫ കടല്‍ത്തീരത്തുനിന്നാണ് ഷംസീറിന്റെ മൃതദേഹം കണ്ടെത്തിയത്. സൈനിക ആശുപത്രിയില്‍ സൂക്ഷിച്ചിരിക്കുന്ന മൃതദേഹം നാട്ടിലേക്ക് അയയ്ക്കാനുള്ള നടപടികള്‍ ആരംഭിച്ചതായി എംബസി വൃത്തങ്ങള്‍ അറിയിച്ചു. കണ്ണൂര്‍ പാലയോട് സ്വദേശി മധുവിനായുള്ള തിരച്ചില്‍ തുടരുകയാണ്. സലാലയിലെ റൈസൂത്തിലെ വെള്ളപ്പാച്ചിലില്‍പെട്ടാണ് ഇവരെ കാണാതായത്.

കൊച്ചിയില്‍ കാറും ബൈക്കും കൂട്ടിയിടിച്ച് അപകടം ; രണ്ടുപേര്‍ മരിച്ചു

കൊച്ചിയില്‍ കാറും ബൈക്കും കൂട്ടിയിടിച്ച് അപകടം ; രണ്ടുപേര്‍ മരിച്ചു

കൊച്ചി: കൊച്ചി കുന്നുംപുറത്ത് കാറും ബൈക്കും കൂട്ടിയിടിച്ച് അപകടം. അപകടത്തില്‍ രണ്ടുപേര്‍ മരിച്ചു. ബൈക്ക് യാത്രക്കാരനായ ആന്ധ്രക്കാരന്‍ നല്ലൂരി ജിതേന്ദ്രയും കാര്‍ ഡ്രൈവര്‍ മുളകുപാടം സ്വദേശി റോയ്സുമാണ് മരിച്ചത്.

1 2 3 7