കാസര്‍കോട് ജില്ലയില്‍ 79 പേര്‍ കൂടി കോവിഡ്- 19 പോസിറ്റീവായി. ചികിത്സയിലുണ്ടായിരുന്ന 68 പേര്‍ക്ക് കോവിഡ് നെഗറ്റീവായി. നിലവില്‍ 628 പേരാണ് ചികിത്സയിലുള്ളത്. കോവിഡ് ബാധിച്ച് മരിച്ചവരുടെ എണ്ണം 788
ജില്ലയില്‍ നിരീക്ഷണത്തിലുള്ളത് 4306 പേര്‍
വീടുകളില്‍ 3912 പേരും സ്ഥാപനങ്ങളില്‍ 394 പേരുമുള്‍പ്പെടെ ജില്ലയില്‍ ആകെനിരീക്ഷണത്തിലുള്ളത് 4306 പേരാണ്. പുതിയതായി 390 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വ്വേ അടക്കം പുതിയതായി 2249 സാമ്പിളുകള്‍ കൂടി പരിശോധനയ്ക്ക് അയച്ചു (ആര്‍ ടി പി സി ആര്‍ 1879 ആന്റിജന്‍ 352 ട്രൂനാറ്റ് 18) 542 പേരുടെ പരിശോധനാ ഫലം ലഭിക്കാനുണ്ട്. 206 പേര്‍ നിരീക്ഷണ കാലയളവ് പൂര്‍ത്തിയാക്കി. പുതിയതായി ആശുപത്രികളിലും മറ്റു കോവിഡ് കെയര്‍ സെന്ററുകളിലുമായി 87 പേര്‍ നിരീക്ഷണത്തില്‍ പ്രവേശിക്കപ്പെട്ടു. ആശുപത്രികളില്‍ നിന്നും കോവിഡ് കെയര്‍ സെന്ററുകളില്‍ നിന്നും 70 പേരെ ഡിസ്ചാര്‍ജ് ചെയ്തു.