തൃശൂര്: രോഗിയില് നിന്നും കൈക്കൂലി വാങ്ങുന്നതിനിടെ ഡോക്ടര് വിജിലന്സ് പിടിയില്. തൃശൂര് മെഡിക്കല് കോളേജ് ആശുപത്രിയിലെ സര്ജന് ഡോ.കെ ബാലഗോപാല് ആണ് വിജിലന്സിന്റെ പിടിയിലായത്. കാല്മുട്ട് ശസ്ത്രക്രിയയ്ക്ക് ഇരുപതിനായിരം രൂപ കൈക്കൂലി വാങ്ങുമ്പോഴാണ് വിജിലന്സ് പിടികൂടിയത്.
വിയ്യൂരിലെ വസതിയിലായിരുന്നു അറസ്റ്റ്. വിജിലന്സ് ഡിവൈ.എസ്.പി പി.എസ് സുരേഷും സംഘവുമാണ് ഡോക്ടറെ അറസ്റ്റ് ചെയ്തത്.