CLOSE

വാതില്‍പ്പടി സേവനം : ഗ്രാമ പഞ്ചായത്തുകള്‍ക്ക് പരിശീലനം നല്‍കി

Share

തദ്ദേശ സ്വയംഭരണ സ്ഥാപനങ്ങള്‍ മുഖേന സേവനങ്ങള്‍ പൗരന്‍മാരുടെ വീട്ടുപടിക്കലില്‍ എത്തിക്കാനുളള സര്‍ക്കാരിന്റെ കര്‍മ്മ പരിപാടി കിലയുടെ ഏകദിന പരീശീലനം പടന്നക്കാട് കാര്‍ഷിക കോളേജ് ഓഡിറ്റോറിയത്തില്‍ നടന്നു. പരിപാടി കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡണ്ട് കെ മണികണ്ഠന്‍ ഉദ്ഘാടനം ചെയ്തു. കയ്യൂര്‍ – ചീമേനി ഗ്രാമ പഞ്ചായത്ത് പ്രസിഡണ്ട് കെ പി വത്സലന്‍ അദ്ധ്യക്ഷത വഹിച്ചു. ഗ്രാമ പഞ്ചായത്ത് പ്രസിഡണ്ടുമാരായ പി വി മുഹമ്മദ് അസ്ലം, പി പി പ്രസന്നകുമാരി , സി കെ അരവിന്ദന്‍, ടി ശോഭ, വി വി സജീവന്‍, പ്രമീള എന്നിവര്‍ സംസാരിച്ചു. ജനകീയാസൂത്രണം ജില്ല ഫെസിലിറ്റേറ്റര്‍ അജയന്‍ പനയാല്‍ സ്വാഗതവും പരിശീലന വിശദീകരണം കോര്‍ഡിനേറ്റര്‍ കെ കെ രാഘവനും നടത്തി. കിലയുടെ റിസോര്‍സ്പേഴ്സണ്‍ ഇ ഗംഗാധരന്‍ നായര്‍ ക്ലാസ് എടുത്തു. പത്ത് ഗ്രാമ പഞ്ചായത്തുകളില്‍ നിന്ന് ഇരുന്നൂറ് പേര്‍ പരിശീലനത്തില്‍ പങ്കെടുത്തു.

Leave a Reply

Your email address will not be published.