നീലേശ്വരത്തെ പാലായി റോഡില്‍ വാടക കെട്ടിടത്തില്‍ പ്രവര്‍ത്തിക്കുന്ന ഗവണ്‍മെന്റ് ആയുര്‍വേദ ആശുപത്രിക്ക് സ്വന്തം കെട്ടിടം നിര്‍മ്മിക്കാന്‍ റവന്യൂ വകുപ്പ് 25 സെന്റ് സ്ഥലം അനുവദിച്ചു. പേരോല്‍ വില്ലേജിലെ പാലായിയില്‍ റിസര്‍വ്വേ നമ്പര്‍ 242/ പാര്‍ട്ടില്‍ പെട്ട സര്‍ക്കാര്‍ ഭൂമി റവന്യൂ വകുപ്പ് ഭാരതീയ ചികിത്സ വകുപ്പിനാണ് കൈമാറിയത്. അനുവദിച്ച് ഒരു വര്‍ഷത്തിനകം അനുവദിക്കപ്പെട്ട ആവശ്യത്തിന് ഭൂമി വിനിയോഗിക്കേണ്ടതാണ് എന്ന നിബന്ധനയോടെയാണ് കൈമാറ്റം.
പരിമിതമായ സാഹചര്യങ്ങളില്‍ പ്രവര്‍ത്തിക്കുന്ന ആയുര്‍വേദ ആശുപത്രിയില്‍ നിലവില്‍ ഒരു ഡോക്ടറും ഒരു താല്‍ക്കാലിക ജീവനക്കാരിയും മാത്രമാണ് ഉള്ളത്. ആശുപത്രിക്ക് സ്വന്തം കെട്ടിടം എന്നത് ജനങ്ങളുടെ ചിരകാല അഭിലാഷമായിരുന്നു. ഇക്കാര്യത്തില്‍ നഗരസഭ ആവശ്യമായ ഇടപെടല്‍ നടത്തിയിരുന്നു. സ്വന്തം കെട്ടിടം നിലവില്‍ വരുന്നതോടെ ചികിത്സാ സൗകര്യം മെച്ചപ്പെടും.
CLOSE
