പാണത്തൂര്‍: പാണത്തൂര്‍ പരിയാരത്ത് നടന്ന ലോറി അപകടത്തില്‍ മരണമടഞ്ഞ കുടുംബങ്ങളെ സഹായിക്കുന്നതിന് വേണ്ടി പഞ്ചായത്തില്‍ രൂപീകരിച്ച ജനകീയ സമിതിക്ക് തന്റെ കുടുക്കയില്‍ സ്വരൂപിച്ച തുക നല്‍കി 5-ാം വയസ്സുകാരന്‍. പാണത്തൂര്‍ കേളപ്പന്‍ കയത്തെ ഓട്ടോറിക്ഷാ ഡ്രൈവറായ സദാനന്ദന്റേയും ബളാംതോട് ഗവ:ഹയര്‍ സെക്കന്ററി സ്‌കൂളിലെ എസ്. പി.സി സി.പി.ഒ കെ കമലാക്ഷിയുടെ മകനും ബളാംതോട് ഗവണ്‍മെന്റ് സ്‌കൂളിലെ 5-ാം ക്ലാസ്സ് വിദ്യാര്‍ത്ഥിയുമായ നിരഞ്ജനാണ് കുടുക്കയിലെ തന്റെ സമ്പാദ്യമായ 436 രൂപ സമിതി പ്രവര്‍ത്തകരെ ഏല്‍പിച്ചത്. അച്ഛന്‍ നല്‍കുന്ന ചെറിയ തുകകള്‍ കുടുക്കയില്‍ നിക്ഷേപിക്കുന്ന നിരഞ്ജന്‍ വീട്ടിലെത്തിയ സമിതി പ്രവര്‍ത്തകരോട് തന്റെ സമ്പാദ്യം സ്വീകരിക്കാന്‍ ആവശ്യപ്പെടുകയാണ് ചെയ്തത്.
CLOSE
