പാലക്കാട്: ഒന്നിലധികം വിവാഹം കഴിച്ച് തട്ടിപ്പ് നടത്തിയെന്ന പരാതിയുമായി ബാങ്ക് മാനേജര്‍ക്കെതിരെ പരാതിയുമായി യുവതികള്‍. പാലക്കാട് ജോലി ചെയ്യുന്ന ആലപ്പുഴ സ്വദേശിയായ സി.എച്ച് സലീമിനെതിരെയാണ് കോഴിക്കോട്, പാലക്കാട് സ്വദേശിനികള്‍ പാലക്കാട് ജില്ലാ പോലീസ് മേധാവിക്ക് പരാതി നല്‍കിയത്.
വിവാഹബന്ധം വേര്‍പ്പെടുത്തിയ സ്ത്രീകളെ ലക്ഷ്യമിട്ട് പുനര്‍വിവാഹം നടത്തി പീഡിപ്പിക്കുകയായിരുന്നുവെന്നാണ് ഇയാള്‍ക്കെതിരെയുള്ള പരാതി. കേരളത്തിലും തമിഴ്‌നാട്ടിലുമായി ഇയാള്‍ അഞ്ചിലധികം വിവാഹം കഴിച്ചിട്ടുണ്ടെന്നും ചോദ്യം ചെയ്താല്‍ കുടുംബാംഗങ്ങളെ ഉള്‍പ്പെടെ വകവരുത്തുമെന്ന് ഇയാള്‍ ഭീഷണിപ്പെടുത്തി എന്നും പരാതിയില്‍ പറയുന്നു.
നിലവില്‍ സലീം മുണ്ടൂര്‍ ബ്രാഞ്ചിലാണ് ജോലി ചെയ്യുന്നത്. പരസ്ത്രീ ബന്ധത്തെ തുടര്‍ന്നാണ് ഇയാളുമായി വേര്‍പിരിഞ്ഞത്. അശ്ലീലച്ചിത്രങ്ങളോടു അമിതമായ ആസക്തിയാണ് ഇയാള്‍ക്കെന്നും കോഴിക്കോട് സ്വദേശിനിയായ യുവതി അറിയിച്ചു.