CLOSE

കെഎസ്ആര്‍ടിസി വീക്കെന്റ് സര്‍വീസുകള്‍ 6 മുതല്‍

Share

കെ.എസ്.ആര്‍.ടി.സി ക്രിസ്മസ്-ന്യൂ ഇയര്‍-ശബരിമല തിരക്ക് കണക്കിലെടുത്ത് തൃശൂര്‍-ചെന്നൈ-തൃശൂര്‍ റൂട്ടിലേക്ക് ആരംഭിച്ച മള്‍ട്ടി ആക്‌സില്‍ എ.സി സ്‌കാനിയ ബസ് സര്‍വീസ് വിജയകരമായതിനെ തുടര്‍ന്ന് ഈ മാസം 6 മുതല്‍ ഒരു മാസത്തെ പരീക്ഷണാര്‍ത്ഥം വീക്കെന്റ് സര്‍വീസുകള്‍ നടത്താന്‍ തീരുമാനിച്ചു. തമിഴ്‌നാട്ടിലെ വിവിധ മലയാളി അസോസിയേഷന്‍ സംഘടനാ പ്രതിനിധികള്‍ ഗതാഗത വകുപ്പ് മന്ത്രി ആന്റണി രാജുവിന് നല്‍കിയ നിവേദനം പരിഗണിച്ചാണ് നടപടി.

ചെന്നൈ കോയമ്പേട് ബസ് സ്റ്റാന്‍ഡില്‍ നിന്നും ജനുവരി 7, 9, 14,16, 21, 23, 28, 30, ഫെബ്രുവരി 4, 6 തീയതികളില്‍ (എല്ലാ വെള്ളി, ഞായര്‍ ദിവസങ്ങളില്‍ ) വൈകുന്നേരം 6.30 ന് സര്‍വീസ് ആരംഭിക്കും. തൃശൂരില്‍ നിന്നും ചെന്നൈക്ക് ജനുവരി 6, 8, 13, 15, 20, 22, 27, 29, ഫെബ്രുവരി 3, 5 തീയതികളില്‍ (എല്ലാ വ്യാഴം, ശനി ദിവസങ്ങളില്‍ ) വൈകിട്ട് 5.30 ന് പുറപ്പെടുന്നതുമാണ്. ചെന്നൈയില്‍ നിന്നും തൃശൂരിലേക്ക് എല്ലാ പ്രധാന സ്ഥലങ്ങളിലും ബോര്‍ഡിംഗ് പോയന്റ് ഉണ്ടായിരിക്കും.

തൃശൂരില്‍ നിന്നും പാലക്കാട് നിന്നും കണക്ഷന്‍ സര്‍വീസില്‍ ടിക്കറ്റ് റിസര്‍വ് ചെയ്യുന്നതിനും, തൃശൂര്‍, പാലക്കാട് ബസ് സ്റ്റേഷനുകളില്‍ വിശ്രമിക്കുന്നതിനും സൗകര്യം ഒരുക്കും. ലഗേജുകള്‍ കൈകാര്യം ചെയ്യുന്നതിന് വേണ്ട സഹായിയെയും സൗകര്യപ്പെടുത്തുന്നതാണ്. പരീക്ഷണാര്‍ത്ഥം ഒരു മാസം ഈ സര്‍വീസ് ഓപ്പറേറ്റ് ചെയ്ത ശേഷം തുടര്‍ന്ന് സര്‍വീസ് നടത്തുന്നത് തീരുമാനിക്കും. ചെന്നൈ മലയാളികളുടെ ദീര്‍ഘകാല ആവശ്യമാണ് നിലവില്‍ സാക്ഷാത്കരിക്കുന്നത്. സര്‍വീസിലേക്ക് സീറ്റുകള്‍ ”എന്റെ കെ എസ് ആര്‍ ടി സി” ആപ്പ് വഴി ഓണ്‌ലൈനില്‍ ബുക്ക് ചെയ്യാം.

Leave a Reply

Your email address will not be published.