CLOSE

വ്‌ളോഗറെ കെട്ടിടത്തിന് മുകളില്‍ നിന്ന് താഴേക്ക് തള്ളിയിട്ട് കൊലപ്പെടുത്തി: ഭര്‍ത്താവ് അറസ്റ്റില്‍

Share

ഗാസിയാബാദ്: ഫാഷന്‍ വ്‌ളോഗറെ കെട്ടിടത്തിന് മുകളില്‍ നിന്ന് താഴേക്ക് തള്ളിയിട്ട് കൊലപ്പെടുത്തി. ഉത്തര്‍പ്രദേശിലെ ഗാസിയാബാദിലാണ് വ്‌ളോഗര്‍ റിതിക സിംഗിനെ മരിച്ച നിലയില്‍ കണ്ടെത്തിയത്. സംഭവത്തില്‍ ഭര്‍ത്താവ് ആകാശ് ഗൗതം അറസ്റ്റില്‍. കൈയും കാലും കെട്ടിയാണ് റിതിക സിംഗിനെ ആകാശ് ഗൗതം തള്ളിയിട്ടതെന്ന് പോലീസ് വ്യക്തമാക്കി.

ആഗ്രയില്‍ സുഹൃത്തിനൊപ്പം ഫ്‌ളാറ്റില്‍ താമസിക്കുകയായിരുന്നു മുപ്പതുകാരിയായ റിതിക. ഭര്‍ത്താവ് ആകാശ് ഫ്ളാറ്റില്‍ വരികയായിരുന്നു. സുഹൃത്തിനൊപ്പം താമസിക്കുന്നതിനെ ചൊല്ലി റിതിയും ഭര്‍ത്താവും തമ്മില്‍ വാക്പോര് നടക്കുന്നതിനിടെയാണ് ഭര്‍ത്താവ് അക്രമാസക്തനായത്. ഫാഷന്‍, ലൈഫ് സ്‌റ്റൈല്‍ വ്‌ളോഗറായ റിതികയ്ക്ക് ഇന്‍സ്റ്റഗ്രാമില്‍ 44,000 ഫോളോവേഴ്സുണ്ട്. 2014 ലാണ് റിതികയും ആകാശും കണ്ടുമുട്ടുന്നത്. പ്രണയത്തിലായ ഇരുവരും പിന്നീട്, വിവാഹിതരാവുകയായിരുന്നു.

അതേസമയം, ആകാശിന് സ്വന്തമായി ജോലിയോ വരുമാനമോ ഇല്ലാതിരുന്നതിനാല്‍ റിതികയുടെ ശമ്പളം പിടിച്ചുവാങ്ങുക പതിവായിരുന്നുവെന്ന് റിതികയുടെ കുടുംബം ആരോപിച്ചു. വിവാഹ ശേഷം തന്നെ റിതികയ്ക്ക് ഭര്‍ത്താവില്‍ നിന്നും ഭര്‍തൃവീട്ടുകാരില്‍ നിന്നും നിരവധി പീഡനങ്ങള്‍ ഏല്‍ക്കേണ്ടി വന്നിട്ടുണ്ടെന്ന് കുടുംബം പറഞ്ഞു. ഒരിക്കല്‍ തേപ്പ് പെട്ടി കൊണ്ട് പൊള്ളിച്ചിട്ടുണ്ടെന്നും കുടുംബം ആരോപിച്ചു.

Leave a Reply

Your email address will not be published.