സൂര്യാഘാതം ജോലിസമയം ക്രമീകരിച്ചുകൊണ്ട് ഉത്തരവായി

കേരളത്തില്‍ വേനല്‍ക്കാലം ആരംഭിക്കുകയും പകല്‍ താപനില ക്രമാതീതമായി ഉയരുകയും ചെയ്യുന്ന സാഹചര്യത്തില്‍ ജില്ലയിലെ വെയിലത്ത് പണിയെടുക്കുന്ന തൊഴിലാളികളുടെ തൊഴില്‍ സമയം ക്രമീകരിച്ചതായി ജില്ലാ ലേബര്‍ ഓഫീസര്‍ (എന്‍ഫോ) അറിയിച്ചു. പകല്‍ ഷിഫ്റ്റില്‍ ജോലി ചെയ്യുന്നവര്‍ക്ക് ഉച്ചയ്ക്ക് 12 മുതല്‍ 3 മണി വരെ വിശ്രമവേള ആയിരിക്കും. ഇവരുടെ ജോലിസമയം രാവിലെ 7 മുതല്‍ വൈകുന്നേരം 7 വരെയു ള്ള സമയത്തിനുള്ളില്‍ എട്ടു മണിക്കൂറായി നിജപെടുത്തി. രാവിലെയും ഉച്ചയ്ക്കു ശേഷവും ഉള്ള മറ്റു ഷിഫ്റ്റുകളിലെ ജോലിസമയം ഉച്ചയ്ക്ക് 12ന് അവസാനിക്കുന്ന പ്രകാരവും വൈകുന്നേരം 3 ന് ആരംഭിക്കുന്ന പ്രകാരവും പുനക്രമീകരിച്ചിരിക്കുന്നു ഏപ്രില്‍ 30 വരെയുള്ള കാലയളവിലേക്ക് മേല്‍സമയ ക്രമീകരണം ബാധകമായിരിക്കുമെന്ന് ജില്ല ലേബര്‍ഓഫീസര്‍ (എന്‍ഫോഴ്‌സ്‌മെന്റ്) അറിയിച്ചു