ലിവര്‍പൂളിനെ പരാജയപ്പെടുത്തി ക്വാട്ടര്‍ ഫൈനല്‍ ഉറപ്പിച്ച് റയല്‍ മാഡ്രിഡ്. ചരിത്രപരമായ മടങ്ങിവരവിന് ലിവര്‍പൂള്‍ സജ്ജമായെന്ന് പലരും പ്രതീക്ഷിച്ചെങ്കിലും 0-1 എന്ന സ്‌കോറില്‍ പരാജയം ഏറ്റുവാങ്ങേണ്ടി വരികയായിരുന്നു. ഇതോടെ പരാജയപ്പെട്ട് ലിവര്‍പൂള്‍ ടൂര്‍ണമെന്റില്‍ നിന്ന് പുറത്തായി.
കളിയില്‍ നിര്‍ണായകമായ ആ ഏക ഗോള്‍ പിറന്നത് കരിം ബെന്‍സീമയുടെ കാലുകളിലാണ്. കളിയുടെ ആദ്യ പകുതിയില്‍ റയല്‍ മാഡ്രിഡിന്റെ ഗോള്‍ ശ്രമങ്ങളെ മികവുറ്റ രീതിയിലാണ് ഗോള്‍ കീപ്പര്‍ അലിസ് പ്രതിരോധിച്ചത്. കളിയുടെ 79-ാം മിനിറ്റിലാണ് ബെന്‍സീമയുടെ ആ മനോഹരമായ ഗോള്‍ പിറന്നത്.