അട്ടേങ്ങാനം: കണ്ണൂര്‍ യൂണിവേഴ്‌സിറ്റി ബി.എസ്.സി സ്റ്റാറ്റിസ്റ്റിക്‌സില്‍ ഒന്നാം റാങ്ക് അട്ടേങ്ങാനം കണ്ണാടിപ്പാറയിലെ മേഘ എന്‍.ജി.ക്ക്. നാടിന് അഭിമാനമായി മാറിയ റാങ്ക് ജേതാവിനെ സി.പി.എം. മൂരിക്കട ബ്രാഞ്ച് വീട്ടില്‍ പോയി അനുമോദിച്ചു. കോടോം-ബേളൂര്‍ ഗ്രാമപഞ്ചായത്ത് വൈസ് പ്രസിഡന്റ് പി.ദാമോദരന്‍ ഷാള്‍ അണിയിച്ചു. ലോക്കല്‍ കമ്മിറ്റി അംഗം വി.റെനീഷ്, ബ്രാഞ്ച് സെക്രട്ടറി കെ.വേണു, ടി.രാഘവന്‍ എന്നിവരും സംബന്ധിച്ചു.
ഇന്നലെ 4 മണിക്കു വന്ന റിസള്‍ട്ടില്‍ യൂണിവേഴ്‌സിറ്റി ടോപ്പറാണെന്ന് ആദ്യം അധ്യാപകര്‍ അറിയിച്ചിരുന്നു. പിന്നീടാണ് ഫസ്റ്റ് റാങ്കും ലഭിച്ചതറിയുന്നത്. കാഞ്ഞങ്ങാട് നെഹ്‌റു കോളേജിലെ വിദ്യാര്‍ത്ഥിയായ മേഘ കണ്ണാടിപ്പാറയിലെ സി.നാരായണന്‍ ഗായത്രി ദമ്പതികളുടെ ഇളയ മകളാണ്. സഹോദരി മീര പി.ജി കഴിഞ്ഞ് ബി.എഡ് വിദ്യാര്‍ത്ഥിനിയാണിപ്പോള്‍.