തിരുവനന്തപുരം: റെയില്‍വേ പാളത്തില്‍ അറ്റകുറ്റപ്പണികള്‍ നടക്കുന്നതിനാല്‍ ഇന്നു മുതല്‍ ട്രെയിന്‍ ഗതാഗതത്തില്‍ മാറ്റം. തൃപ്പൂണിത്തുറ-മുളന്തുരുത്തി, ഓച്ചിറ-കരുനാഗപ്പള്ളി സെക്ഷനുകളില്‍ ട്രാക്ക് നവീകരണ ജോലികള്‍ നടക്കുന്നതിനാല്‍ ട്രെയിനുകള്‍ റദ്ദാക്കലടക്കമുള്ള ഗതാഗത നിയന്ത്രണമേര്‍പ്പെടുത്തിയതായി റെയില്‍വേ അറിയിച്ചു.
ഇന്ന് സര്‍വീസ് നടത്തുന്ന കൊച്ചുവേളി-ലോകമാന്യതിലക് സൂപ്പര്‍ഫാസ്റ്റ് (22114) കോട്ടയം-മുളന്തുരുത്തി സെക്ഷനില്‍ ഒരു മണിക്കൂര്‍ വൈകും. കൂടാതെ ഇന്ന് കൊല്ലത്തു നിന്ന് ആരംഭിക്കുന്ന കൊല്ലം-എറണാകുളം മെമു (06442) കായംകുളത്ത് യാത്ര അവസാനിപ്പിക്കും. എറണാകുളത്തുനിന്ന് പുറപ്പെടുന്ന എറണാകുളം-കൊല്ലം മെമു കായംകുളത്ത് യാത്ര അവസാനിപ്പിക്കും.
മാര്‍ച്ച് 26ലെ തിരുവനന്തപുരം-കണ്ണൂര്‍ ജനശതാബ്ദി (12082), എറണാകുളം-ഷൊര്‍ണൂര്‍ മെമു (06018), എറണാകുളം-ഗുരുവായൂര്‍ എക്‌സ്പ്രസ് (06448) എന്നിവയും മാര്‍ച്ച് 27ലെ കണ്ണൂര്‍-തിരുവനന്തപുരം ജനശതാബ്ദിയും (12081) റദ്ദാക്കി.
ഭാഗികമായി റദ്ദാക്കിയ ട്രെയിനുകള്‍
മാര്‍ച്ച് 12 മുതല്‍ 31 വരെ നിലമ്ബൂര്‍-കോട്ടയം എക്‌സ്പ്രസ് എറണാകുളം ടൗണില്‍ യാത്ര അവസാനിപ്പിക്കും.
കൊല്ലത്തുനിന്ന് മാര്‍ച്ച് ഒമ്ബത്, 13, 17, 19 തീയതികളിലെ കൊല്ലം-എറണാകുളം മെമു (06442) കായംകുളത്ത് യാത്ര അവസാനിപ്പിക്കും.
കണ്ണൂരില്‍നിന്ന് മാര്‍ച്ച് 26ന് പുറപ്പെടുന്ന കണ്ണൂര്‍-എറണാകുളം എക്‌സ്പ്രസ് (16306) തൃശൂരില്‍ സര്‍വിസ് നിര്‍ത്തും.
മാര്‍ച്ച് 25ന് ചെന്നൈയില്‍നിന്ന് തിരിക്കുന്ന ചെന്നൈ സെന്‍ട്രല്‍-തിരുവനന്തപുരം പ്രിതിദിന ട്രെയിന്‍ (12623) തൃശൂരില്‍ യാത്ര അവസാനിപ്പിക്കും.
മാര്‍ച്ച് 26ന് തിരുവനന്തപുരത്തുനിന്ന് പുറപ്പെടേണ്ട തിരുവനന്തപുരം-ചെന്നൈ സെന്‍ട്രല്‍ മെയില്‍ (12624) തൃശൂരില്‍നിന്നാകും യാത്ര തുടങ്ങുക.
ഇന്നു മുതല്‍ മാര്‍ച്ച് 31 വരെ തീയതികളില്‍ എറണാകുളത്തുനിന്ന് പുറപ്പെടുന്ന എറണാകുളം-കൊല്ലം മെമു കായംകുളത്ത് യാത്ര അവസാനിപ്പിക്കും.