പാലക്കാട്: പാലക്കാട് വിക്ടോറിയ കോളേജില്‍ വിദ്യാര്‍ത്ഥികള്‍ തമ്മില്‍ ഏറ്റുമുട്ടിയ സംഭവത്തില്‍ വിശദീകരണവുമായി എസ്എഫ്ഐ. ഹോസ്റ്റലിലെ ആക്രമണവുമായി ബന്ധപ്പെട്ട് എസ്എഫ്ഐക്ക് എതിരായി നടത്തുന്ന കുപ്രചരണങ്ങളെ തളളിക്കളയണമെന്ന് എസ്എഫ്ഐ ആവശ്യപ്പെട്ടു.
ഒരു വിഭാഗം വിദ്യാര്‍ത്ഥികള്‍ എംഡിഎംഎ അടക്കമുളള ലഹരി പദാര്‍ത്ഥങ്ങള്‍ ഉപയോഗിച്ചത് ചോദ്യം ചെയ്തതാണ് പ്രകോപനമുണ്ടാക്കിയത് എന്നാണ് എസ്എഫ്ഐയുടെ വാദം. ഇത് ചോദ്യം ചെയ്ത എസ്എഫ്ഐ ജില്ലാ സെക്രട്ടറിയെ അടക്കം മദ്യ ലഹരിയില്‍ കയ്യേറ്റം ചെയ്തുവെന്ന് എസ്എഫ്ഐ പറയുന്നു.
എസ്എഫ്ഐ പ്രവര്‍ത്തകരെ കളളക്കേസില്‍ കുടുക്കാന്‍ പൊലീസ് ശ്രമിച്ചതായും ആരോപണമുണ്ട്