ബന്തടുക്ക: കുറ്റിക്കോല്‍ പുളുവിഞ്ചിയില്‍ കോണ്‍ഗ്രസ് മണ്ഡലം സെക്രട്ടറി വേണുവിന് നേരെ സിപിഎം അക്രമം. കൈക്ക് കുത്തേറ്റ വേണുവിനെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു. ഒരു വീടിന്റെ ഗൃഹപ്രവേശവുമായി ബന്ധപ്പെട്ട സല്‍ക്കാരത്തിനടയില്‍ മൂന്ന് അംഗ സംഘം വൈദ്യുതി വിച്ഛേദിച്ച ശേഷം വേണുവിനെ കൊലപ്പെടുത്താന്‍ കത്തികൊണ്ട് തലയ്ക്ക് കുത്തുന്നതിടയില്‍ കൈകൊണ്ട് തടുത്തപ്പോഴാണ് കൈക്ക് ആഴത്തില്‍ മുറിവ് പറ്റിയത്.
ഉടന്‍ തന്നെ ബേഡകം താലൂക്ക് ആശുപത്രിയില്‍ എത്തിച്ചെങ്കിലും പരിക്ക് ഗുരുതരമായതിനാല്‍ കാഞ്ഞങ്ങാട് ജില്ലാ ആശുപത്രിയിലേക്ക് മാറ്റുകയായിരുന്നു. സി പി എമ്മിന്റെ അക്രമത്തിനെതിരെ ശക്തമായി പ്രതിഷേധിക്കാന്‍ കോണ്‍ഗ്രസ് മണ്ഡലം കമ്മിറ്റി ആഹ്വാനം ചെയ്തു.