രാജപുരം: ബളാംതോട് ചാമുണ്ഡിക്കുന്നില്‍ വിദ്യാര്‍ത്ഥി ആള്‍ മറയില്ലാത്ത കിണറ്റില്‍ വീണ് മരിച്ചു. കളക്ഷന്‍ ഏജന്റ് ചാമുണ്ഡിക്കുന്നിലെ വിപ്രഭാകരന്റെയും രാജപുരത്തെ ഡോക്യുമെന്റ് റൈറ്റര്‍ വിനീതയുടെയും മകന്‍ അര്‍ജുന്‍ (10) ആണ് മരിച്ചത്. ചാമുണ്ഡിക്കുന്ന് ഗവ.ഹൈസ്‌കൂളില 4-ാം ക്ലാസ് വിദ്യാര്‍ഥിയാണ്. ഇന്നലെ രാത്രി എട്ട് മണിക്കാണ് അപകടം.
വൈകീട്ട് തൊട്ടടുത്ത ബന്ധുവീട്ടില്‍ പോയതായിരുന്നു അര്‍ജുന്‍. കുട്ടി വീട്ടില്‍ തിരിച്ചെത്താത്തതിനെ തുടര്‍ന്ന് നടത്തിയ അന്വേഷണത്തിലാണ് സമീപത്തെ ആള്‍മറയില്ലാത്ത കിണറ്റില്‍ വീണ നിലയില്‍ കണ്ടെത്തിയത്. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. സഹോദരങ്ങള്‍ ദേവിക പ്രഭാകര്‍, മഹേശ്വര്‍ പ്രഭാകര്‍.