വാട്ട്സ് ആപ്പ് ഗ്രൂപ്പ് ചാറ്റില്‍ പുതിയ ഫീച്ചര്‍ വരുന്നു. ഇനി മുതല്‍ വാട്ട്സ് ആപ്പ് ഗ്രൂപ്പ് ചാറ്റില്‍ ആരുടേയും നമ്പര്‍ കാണില്ല, മറിച്ച് യൂസര്‍ നെയിം ആയിരിക്കും കാണാന്‍ സാധിക്കുക.
തുകൊണ്ട് തന്നെ ഇനിമുതല്‍ അപരചിത നമ്പറില്‍ നിന്ന് ഗ്രൂപ്പ് ചാറ്റില്‍ സന്ദേശം വന്നാല്‍ ആരാണെന്ന് അറിയാന്‍ സാധിക്കുമെന്നും നമ്പര്‍ സേവ് ചെയ്യേണ്ട ആവശ്യം വരില്ലെന്നുമാണ് റിപ്പോര്‍ട്ട്. വാട്ട്സ് ആപ്പിന്റെ ബീറ്റവേര്‍ഷന്‍ ഉപയോഗിക്കുന്ന iOS 23.5.0.73 അപ്ഡേറ്റ് വന്നവര്‍ക്ക് ഈ ഫീച്ചര്‍ ലഭ്യമാണെന്നാണ് വിവരം. ആന്‍ഡ്രോയ്ഡിന്റെ 2.23.5.12 വേര്‍ഷന്‍ ഉപയോഗിക്കുന്ന ബീറ്റ ഉപയോക്താക്കള്‍ക്കും ഈ ഫീച്ചര്‍ ലഭ്യമാകും.
ഓരോ തവണയും ഗ്രൂപ്പ് ചാറ്റില്‍ മെസേജ് വരുമ്പോഴും ഇനി തെളിയുക യൂസര്‍ നെയിമായിരിക്കും. നിരവധി ആളുകളുള്ള ഗ്രൂപ്പ് ചാറ്റുകള്‍ക്ക് ഈ അപ്ഡേറ്റ് വിലയ അനുഗ്രഹമാകുമെന്നാണ് വിലയിരുത്തല്‍.