CLOSE

പണം നല്‍കിയില്ല, യുവാവ് രണ്ടാനമ്മയെ ക്രൂരമായി കൊലപ്പെടുത്തി

ദില്ലി: ചോദിച്ച പണം കൊടുക്കാത്തതിന് യുവാവ് രണ്ടാനമ്മയെ ക്രൂരമായി കുത്തിക്കൊലപ്പെടുത്തി. ദില്ലിയിലെ രോഹിണി സെക്ടര്‍ 26 പ്രദേശത്ത് താമസിക്കുന്ന ഷക്കീലയാണ് ദാരുണമായി കൊല്ലപ്പെട്ടത്. സംഭവത്തില്‍ മുഹമ്മദ് മുസ്തഫ എന്ന 24 കാരനെയാണ് പോലീസ് അറസ്റ്റ് ചെയ്തിരിക്കുന്നത്. ബഹാദര്‍ഗഡിലെ പഞ്ചര്‍ റിപ്പയര്‍ ഷോപ്പ് ഉടമയായ മുഹമ്മദ് മുര്‍താസിന്റെ ഭാര്യയാണ് അപകടത്തില്‍ കൊല്ലപ്പെട്ടിരിക്കുന്നത്.

മുഹമ്മദ് മുര്‍തസ രണ്ട് വിവാഹം കഴിച്ചിട്ടുണ്ട്. ഇയാളുടെ ആദ്യഭാര്യ ബിഹാറിലാണ് താമസിക്കുന്നത്. മുര്‍തസയുടെ ആദ്യ ഭാര്യയുടെ മകനായ മുഹമ്മദ് മുസ്തഫയ്ക്ക് നേരത്തെ തന്നെ രണ്ടാനമ്മയായ ഷക്കീലയോട് പകയുണ്ടായിരുന്നുവെന്ന് പോലീസ് പറയുന്നു. ശനിയാഴ്ച രാവിലെ കുറച്ച് പണം വേണമെന്ന് മുഹമ്മദ് മുസ്തഫ ഷക്കീലയോട് ആവശ്യപ്പെടുകയുണ്ടായി. എന്നാല്‍ അതേസമയം ഷക്കീല പണം നല്‍കിയില്ല. ഇതില്‍ പ്രകോപിതനായ മുസ്തഫ കത്തിയുപയോഗിച്ച് ഷക്കീലയെ കുത്തുകയായിരുന്നു ഉണ്ടായത്.

സംഭവത്തിന് ശേഷം വീട്ടില്‍ നിന്നും പോയ മുസ്തഫയെ പോലീസ് അറസ്റ്റ് ചെയ്തു . ഇയാളെ ചോദ്യം ചെയ്തുവരികയാണെന്നും കൊലപാതകകുറ്റം ചുമത്തി കേസ് എടുത്തതായും ഡെപ്യൂട്ടി പോലീസ് കമ്മീഷണര്‍ പ്രണവ് തയാല്‍ പറഞ്ഞു.

Spread the love

Leave a Reply

Your email address will not be published. Required fields are marked *