CLOSE

മദ്യവും മയക്കുമരുന്നും ഉപേക്ഷിക്കണമെന്ന് അമ്മ; പ്രകോപിതനായി അമ്മയെ ജീവനോടെ കത്തിച്ച് മകന്‍

റായ്പൂര്‍: ഛത്തീസ്ഗഢീലെ ദുര്‍ഗ് ജില്ലയില്‍ മദ്യപാനം നിര്‍ത്താന്‍ ആവശ്യപ്പെട്ട അമ്മയെ മകന്‍ ജീവനോടെ കത്തിച്ചു കൊന്നു . ഇളയ മകനോട് മദ്യവും മയക്കുമരുന്ന് ഉപയോഗവും ഉപേക്ഷിക്കാന്‍ അമ്മ ആവശ്യപ്പെടുകയായിരുന്നു.

ഇതില്‍ പ്രകോപിതനായ യുവാവ് അമ്മയെ മണ്ണെണ്ണയൊഴിച്ച് കത്തിക്കുകയായിരുന്നുവെന്ന് പോലീസ് വ്യക്തമാക്കി.

സംഭവം പുറത്തുവന്നതോടെ ഗ്രാമവാസികളും പരിഭ്രാന്തരാണ്. ദുര്‍ഗ് ജില്ലയില്‍ നിന്ന് 40 കിലോമീറ്റര്‍ അകലെയാണ് നാനക്തി ഗ്രാമം. തീപിടിത്തത്തെത്തുടര്‍ന്ന് ഇയാള്‍ ഓടി രക്ഷപ്പെട്ടു. പ്രദേശവാസികള്‍ അമ്മയെ ചികിത്സയ്ക്കായി പ്രാദേശിക ആശുപത്രിയില്‍ പ്രവേശിപ്പിച്ചു. ചികിത്സയ്ക്കിടെ അമ്മ ചൊവ്വാഴ്ച മരിച്ചു.

പ്രതി സൂര്യകാന്ത് മണ്ണെണ്ണ തളിച്ച് തീകൊളുത്തുകയായിരുന്നെന്ന് അമ്മ എക്‌സിക്യൂട്ടീവ് മജിസ്ട്രേറ്റിന് മുമ്പാകെ പ്രസ്താവന നടത്തി. സൂര്യകാന്തിനെതിരെ കൊലപാതകക്കുറ്റം ചുമത്തിയിട്ടുണ്ടെന്ന് നന്ദിനി പോലീസ് സ്റ്റേഷന്‍ ഉദ്യോഗസ്ഥര്‍ പറഞ്ഞു. പ്രതിയെ ഇതുവരെ അറസ്റ്റ് ചെയ്തിട്ടില്ല.

Spread the love

Leave a Reply

Your email address will not be published. Required fields are marked *