CLOSE

പെരുമാറ്റച്ചട്ടം പരിഷ്‌കരിച്ചു; കുറഞ്ഞ ഓവര്‍ നിരക്കിന്റെ പേരില്‍ ധോണിക്ക് പിഴ

മുംബൈ: ഐപിഎല്‍ പതിനാലാം സീസണില്‍ ടീമിന്റെ ആദ്യ മത്സരത്തില്‍ തോല്‍വി രുചിച്ചതിന് പിന്നാലെ ചെന്നൈ സൂപ്പര്‍ കിംഗ്സ് നായകന്‍ എം എസ് ധോണിക്ക് തിരിച്ചടി. കുറഞ്ഞ ഓവര്‍ നിരക്കിന് 12 ലക്ഷം രൂപ ധോണിക്ക് പിഴ ചുമത്തി. സീസണില്‍ ഒരു നായകന്‍ പിഴ ചുമത്തപ്പെടുത്തപ്പെടുന്നത് ഇതാദ്യമാണ്.

നിശ്ചിതസമയത്ത് ഓവര്‍ നിയന്ത്രിക്കാന്‍ ധോണിക്ക് കഴിയാതെ വരികയായിരുന്നു. എന്നാല്‍ സീസണിലെ ആദ്യ വീഴ്ചയായതിനാല്‍ നടപടി പിഴയില്‍ മാത്രമൊതുങ്ങി. സ്റ്റാറ്റര്‍ജിക് ടൈംഔട്ട് ഒഴിവാക്കി ഒരു മണിക്കൂറിനുള്ളില്‍ 14.1 ഓവര്‍ പൂര്‍ത്തിയാക്കണം എന്നാണ് ഐപിഎല്‍ പതിനാലാം സീസണിലെ ചട്ടം പറയുന്നത്. മത്സരത്തിന് മറ്റ് തടസങ്ങളൊന്നും ഉണ്ടായില്ലെങ്കില്‍ 90 മിനുറ്റിനുള്ളില്‍ 20 ഓവര്‍ ക്വാട്ട പൂര്‍ത്തീകരിക്കണം.

Spread the love

Leave a Reply

Your email address will not be published. Required fields are marked *