പെരിയ ബേഡകം സെവന്‍സ് കെ എഫ് എ അംഗീകൃത അഖിലേന്ത്യാ ഫുട്‌ബോള്‍ ടൂര്‍ണ്ണമെന്റ് ഡിസംബര്‍ 21 മുതല്‍ പെരിയയിലെ പഞ്ചായത്ത് മിനി സ്റ്റഡിയത്തില്‍ അരങ്ങേറും. മത്സരത്തിനാവശ്യമായ ഗ്യാലറിക്ക് കാല്‍നാട്ടി. പുല്ലൂര്‍ പെരിയ പഞ്ചായത്ത് ആരോഗ്യ-വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സുമ കുഞ്ഞികൃഷ്ണന്‍ നിര്‍വഹിച്ചു. ബേഡഡുക്ക പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ ടി വരദ് രാജ് അധ്യക്ഷനായി.
ടി രാമകൃഷ്ണന്‍ നായര്‍, ടി.വി അശോകന്‍, സി രാജന്‍ പെരിയ, പ്രമോദ് പെരിയ, എന്‍ ബാലകൃഷ്ണന്‍,എ എം മുരളി, ലത്തീഫ് പെരിയ, ആര്‍ കുഞ്ഞിക്കണ്ണന്‍, ടി അപ്പ, ഗോപാലന്‍ മീത്തല്‍, പി വി വിജയന്‍ , പ്രദീപ് വലിയടുക്കം ,ഫസല്‍ പുളിക്കാല്‍ എന്നിവര്‍ സംസാരിച്ചു ജനറല്‍ കണ്‍വീനര്‍ രതീഷ് ബാബു സ്വാഗതം പറഞ്ഞു. തുടര്‍ന്ന് നടന്ന സംഘാടക സമിതി യോഗത്തില്‍ സി കെ അരവിന്ദന്‍ പ്രവര്‍ത്തനങ്ങള്‍ വിശദീകരിച്ചു. ക്ലബ് സെക്രട്ടറി അജിത് ബേഡകം നന്ദി പറഞ്ഞു