രാജപുരം: ലോക മാനസികാരോഗ്യ ദിനാചരണം താലൂക്ക് ലീഗല്‍ സര്‍വീസസ് കമ്മിറ്റി ഹോസ്ദുര്‍ഗ് അമ്പലത്തറ സ്‌നേഹാലയത്തില്‍ അന്തേവാസികളോടൊപ്പം ലോക മാനസിക ആരോഗ്യ ദിനാചരണം ആഘോഷിച്ചു.ലീഗല്‍ സര്‍വീസസ് കമ്മിറ്റി ചെയര്‍മാന്‍ അഡീഷണല്‍ ജില്ലാ ജഡ്ജ്. സുരേഷ് പി എം ഉദ്ഘാടനം ചെയ്തു. അഡ്വ. കെ സി ശശീന്ദ്രന്‍ അധ്യക്ഷത വഹിച്ചു. വിവിധ മാനസിക ഉല്ലാസ കലാപരിപാടികള്‍ നടന്നു. ടോപ് സിംഗര്‍ ഫെയിം മഹിപ്പാല്‍ അവതരിപ്പിച്ച സംഗീതവിരുന്ന്.സീനിയര്‍ സിവില്‍ പോലീസ് രാജുവും സംഘവും അവതരിപ്പിച്ച നാടന്‍ പാട്ടും,പി എല്‍ വിമാരും, മൂന്നാംമൈല്‍ കേശവ് ജി വായനശാല മെമ്പര്‍മാരും ചേര്‍ന്ന് അവതരിപ്പിച്ച തിരുവാതിരയും, കോല്‍ക്കളിയും, പുല്ലൂര്‍ പെരിയ പഞ്ചായത്ത് കുടുംബശ്രീ കൊടവലം ടീമിന്റെ ആലമി കളിയും,നാടന്‍ പാട്ടും നടത്തി.തുടര്‍ന്ന് പരിപാടി അവതരിപ്പിച്ചവര്‍ക്ക് ലീഗല്‍ സര്‍വീസസ് കമ്മിറ്റിയുടെ ഉപഹാരം ജഡ്ജി നല്‍കി.പരിപാടിയില്‍ അഡ്വക്കേറ്റ് ഗംഗാധരന്‍, ക്ലാര്‍ക്ക് അസോസിയേഷന്‍ പ്രസിഡണ്ട് രാമചന്ദ്രന്‍ കാട്ടൂര്‍, സ്‌നേഹാലയ ഡയറക്ടര്‍ ബ്രദര്‍ ഈശോദാസ് എന്നിവര്‍സംസാരിച്ചു.ടി എന്‍ എസ് സി സെക്രട്ടറി പി വി മോഹനന്‍ സ്വാഗതവും പി എന്‍ വി ബിന്ദു സി നായര്‍ നന്ദിയും പറഞ്ഞു.