ഉദുമ : കാസറഗോഡ് ജില്ലാ സി. ബി. എസ്. ഇ കാസറഗോഡ് ജില്ലാ കലോത്സവം രണ്ട് ദിവസങ്ങളിലായി കോളിയടുക്കം അപ്‌സര പബ്ലിക് സ്‌കൂളില്‍ വെച്ച നടന്നു. എട്ട് വേദികളിലായി പതിനാല് സ്‌കൂളുകളില്‍ നിന്നും ആയിരത്തില്‍പരം വിദ്യാര്‍ത്ഥികള്‍ പങ്കെടുത്തു. കലോത്സവത്തില്‍ അപ്‌സര പബ്ലിക് സ്‌കൂള്‍ 932 പോയിന്റോടു കൂടി ജില്ലാ ചാമ്പ്യന്മാരായി. 713 പോയിന്റോടുകൂടി എം പി ഇന്റര്‍നാഷണല്‍ സ്‌കൂള്‍ ഉളിയത്തടുക്കയും 533 പോയിന്റോടുകൂടി ചൈതന്യ വിദ്യാലയ കാസറഗോഡും യഥാക്രമം രണ്ടും മൂന്നും സ്ഥാനങ്ങള്‍ നേടി.
വിജയികള്‍ക്ക് സമാപന സമ്മേളനത്തില്‍ വെച്ച് അപ്‌സര സ്‌കൂള്‍ മാനേജര്‍ അബ്ദുല്ല അഹമ്മദ് ട്രോഫികളും സര്‍ട്ടിഫിക്കറ്റുകളും വിതരണം ചെയ്തു. നാല് വിഭാഗങ്ങളിയായി കൃഷ്ണ പ്രിയ (ചൈതന്യ വിദ്യാലയ), തൃഷ രതീഷ് (അപ്‌സര പബ്ലിക് സ്‌കൂള്‍) മയൂഖ (ചൈതന്യ വിദ്യാലയ) ഫാത്തിമ അബ്ദുല്‍ റസാഖ് (അപ്‌സര പബ്ലിക് സ്‌കൂള്‍) എന്നീ വിദ്യാര്‍ത്ഥികള്‍ യഥാക്രമം വ്യക്തിഗത ചാമ്പ്യന്മാരായി.
സമാപന സമ്മേളത്തില്‍ അപ്‌സര സ്‌കൂള്‍ പ്രിന്‍സിപ്പല്‍ ഡോക്ടര്‍ അന്‍വറലി സ്വാഗതം പറഞ്ഞു. ചടങ്ങില്‍ ചന്ദ്രഗിരി സഹോദയ പ്രസിഡന്റ് അബ്ദുല്ല കുഞ്ഞി അദ്ധ്യക്ഷത വഹിച്ചു. അപ്‌സര സ്‌കൂള്‍ പി ടി എ പ്രസിഡന്റ് എം. എ ഹാരിസ് യോഗം ഉദ്ഗാടനം ചെയ്തു. ചടങ്ങില്‍ അപ്‌സര സ്‌കൂള്‍ പി ടി എ വൈസ് പ്രസിഡന്റ് നിസാര്‍ ചട്ടഞ്ചാല്‍, അപ്‌സര സ്‌കൂള്‍ അഡ്മിനിസ്‌ട്രേറ്റര്‍ റഫീഖ് ഇ എം, ചന്ദ്രഗിരി സഹോദയ വൈസ് പ്രസിഡന്റ് സൈഫുദ്ദീന്‍, സഅദിയ ഇംഗ്ലീഷ് മീഡിയം സ്‌കൂള്‍ പ്രിന്‍സിപ്പല്‍ ഹനീഫ എന്നിവര്‍ ആശംസ അര്‍പ്പിച്ചു.
ചന്ദ്രഗിരി സഹോദയ ട്രഷറര്‍ നഫീസ ഗഫൂര്‍ ചടങ്ങില്‍ നന്ദി രേഖപ്പെടുത്തി.