ബേക്കല്‍ ഉപജില്ലാ വിദ്യാരംഗം കലാസാഹിത്യ വേദിയുടെ നേതൃത്വത്തില്‍ സര്‍ഗോത്സവം 24 ബാര ഗവ. സൈ്കൂളില്‍ സി.എച്ച് കുഞ്ഞമ്പു എല്‍.എല്‍.എ ഉദ്ഘാടനം ഉദ്ഘാടനം ചെയ്തു. വിദ്യാഭ്യാസത്തിന്റെ കാലിക പ്രസക്തിയെക്കുറിച്ച് അദ്ദേഹം സംസാരിച്ചു. അംബികാസുതന്‍ മാങ്ങാട് വിശിഷ്ടാതിഥിയായി. എഴുത്തിന്റെ അമ്പതാം വാര്‍ഷികം ആഘോഷിക്കുന്ന അവസരത്തില്‍ അറിവിന്റെ ആദ്യാക്ഷരം കുറിച്ച വിദ്യാലയത്തില്‍ എത്താന്‍ കഴിഞ്ഞതിലും സാഹിത്യോത്സവത്തില്‍ പങ്കെടുത്ത് കുട്ടികളുമായി സംവദിക്കാന്‍ കഴിഞ്ഞതിന്റെ സന്തോഷവും അദ്ദേഹം കുട്ടികളുമായി പങ്കുവെച്ചു.
ഉദുമ ഗ്രാമപഞ്ചായത്ത് പ്രസിഡണ്ട് ലക്ഷ്മി അധ്യക്ഷത വഹിച്ചു. പി.ടി.എ പ്രസിഡണ്ട് എം.കെ വിജയന്‍, സനില്‍, ദീപ ബാലകൃഷ്ണന്‍, ശ്രീകുമാര്‍ എന്നിവര്‍ സംസാരിച്ചു. ഹെഡ്മാസ്റ്റര്‍ കെ.ശങ്കരന്‍ സ്വാഗതവും വിദ്യാരംഗം ഉപജില്ലാ കണ്‍വീനര്‍ രമാദേവി നന്ദിയും പറഞ്ഞു.