രാജപുരം: 2024-25 വര്‍ഷത്തെ കണ്ണൂര്‍ സര്‍വ്വകലാശാല പുരുഷ വനിതാ ക്രോസ് കണ്‍ട്രി ചാമ്പ്യന്‍ഷിപ്പ് ഒക്ടോബര്‍ 30 ന് ബുധനാഴ്ച്ച രാജപുരം സെന്റ് പയസ് ടെന്‍ത് കോളേജില്‍ വെച്ച് നടക്കും. യൂണിവേഴ്‌സിറ്റിയിലെ വിവിധ കോളേജുകളില്‍ നിന്നായി 150 ഓളം കായികതാരങ്ങള്‍ പങ്കെടുക്കും. നാളെ(29/10/2024) വൈകുന്നേരം 5 മണി മുതല്‍ 6 മണിവരെ കായിക താരങ്ങളുടെ രജിസ്‌ട്രേഷനും ബിബ് നമ്പര്‍ വിതരണവും നടക്കും.30 ന് രാവിലെ 6 മണിക്ക് കായികതാരങ്ങള്‍ സ്റ്റാര്‍ട്ടിങ് പോയിന്റില്‍ കോളേജ് ഐ ഡി കാര്‍ഡുമായി എത്തിച്ചേരേണ്ടതാണ്. കൃത്യം 6 .15ന് സര്‍വകലാശാല കായിക വിഭാഗം ഡെപ്യൂട്ടി ഡയറക്ടര്‍ ഡോ. ജോ ജോസഫ് മത്സരം ഫ്‌ലാഗ് ഓഫ് ചെയ്യും.
രജിസ്‌ട്രേഷന്‍ സമയത്ത് യോഗ്യതാ പത്രവും,കോളേജ് തിരിച്ചറിയല്‍ കാര്‍ഡും , കായിക ക്ഷമതാ സര്‍ട്ടിഫിക്കറ്റും ഹാജരാക്കേണ്ടതാണ് . കോളേജ് പ്രിന്‍സിപ്പല്‍ ഡോ. ബിജു തോമസ് വിജയികള്‍ക്കുള്ള സമ്മാനവിതരണം നടത്തും. മംഗളൂര്‍ യൂണിവേഴ്‌സിറ്റിയില്‍ വെച്ച് നടക്കുന്ന
അഖിലേന്ത്യാ അന്തര്‍ സര്‍വകലാശാല ചാമ്പ്യന്‍ഷിപ്പില്‍ പങ്കെടുക്കാനുള്ള യൂണിവേഴ്‌സിറ്റി ടീമിനെയും ചാമ്പ്യന്‍ഷിപ്പില്‍ നിന്നും തിരഞ്ഞെടുക്കും.