കാഞ്ഞങ്ങാട്: കാസര്‍കോട് ജില്ല കരിയര്‍ ഗൈഡന്‍സ് ആന്‍ഡ് അഡോളസെന്റ്‌സ് കൗണ്‍സിലിംഗ് സെല്ലിന്റെ നേതൃത്വത്തില്‍ ജില്ലയിലെ ഹയര്‍ സെക്കന്ററി വിദ്യാര്‍ഥികള്‍ക്കായി മീറ്റ് ദ എക്‌സ്‌പെര്‍ട്ട് പ്രോഗ്രാം സംഘടിപ്പിച്ചു. തിരുവനന്തപുരം വിക്രം സാരാഭായ് സ്‌പേസ് റിസര്‍ച്ച് സെന്റര്‍ ശാസ്ത്രജ്ഞനും ജി. എസ്.എല്‍.വി എം.കെ തേര്‍ഡ് പ്രൊജക്റ്റ് മാനേജരുമായ വി.സനോജ് ഇന്‍ട്രോഡക്ഷന്‍ ടു റോക്കറ്ററി എന്ന വിഷയത്തില്‍ ക്ലാസ്സ് കൈകാര്യം ചെയ്തു. ഹയര്‍ സെക്കന്ററി ജില്ല കോര്‍ഡിനേറ്റര്‍ സി. വി. അരവിന്ദാക്ഷന്‍പരിപാടി ഉദ്ഘാടനം ചെയ്തു. കരിയര്‍ ഗൈഡന്‍സ് ആന്‍ഡ് അഡോളസെന്റ് കൗണ്‍സിലിങ് സെല്‍ ജില്ല കോര്‍ഡിനേറ്റര്‍ കെ. മെയ്സണ്‍ അധ്യക്ഷനായി. സൗമ്യ ചാക്കോ സ്വാഗതവും പി.സുധീഷ് നന്ദിയും പറഞ്ഞു.