രാജപുരം :രാജപുരം സെന്റ് പയസ് ടെന്‍ത് കോളേജില്‍ ഈ വര്‍ഷത്തെ കോളേജ് യൂണിയന്‍ കണ്ണൂര്‍ യൂണിവേഴ്സിറ്റി സിന്‍ഡിക്കേറ്റ് അംഗം ഡോ. എ അശോകന്‍ ഉദ്ഘാടനം ചെയ്തു. കോളേജ് യൂണിയന്‍ ചെയര്‍മാന്‍ ഇ കെ അനുഗ്രഹ് അധ്യക്ഷനായി. സിനിമ നടന്‍ പി വി കുഞ്ഞികൃഷ്ണന്‍ ഫൈന്‍ ആര്‍ട്സ് ക്ലബ്ബും ഉദ്ഘാടനം ചെയ്തു. പ്രിന്‍സിപ്പാള്‍ ഡോ. ബിജു ജോസഫ്, പിടിഎ വൈസ് പ്രസിഡന്റ് എ കെ രാജേന്ദ്രന്‍, കണ്ണൂര്‍ സര്‍വകലാശാല സെനറ്റ് അംഗം അഖില പീറ്റര്‍, സ്റ്റാഫ് സെക്രട്ടറി സിജി സിറിയക്, സ്റ്റാഫ് അഡൈ്വസര്‍ നിധിന്‍ മാത്യു എന്നിവര്‍ സംസാരിച്ചു. ലോകത്തിലെ മികച്ച ശാസ്ത്ര ഗവേഷകരുടെ പട്ടികയില്‍ ഇടം നേടിയ കോളേജ് അധ്യാപകന്‍ ഡോ. സിനോഷിന് യൂണിയന്റെയും, പിടിഎയുടെയും ഉപഹാരം നല്‍കി ആദരിച്ചു. ജനറല്‍ സെക്രട്ടറി വി കെ ചന്ദന സ്വാഗതവും, ഫൈന്‍ ആര്‍ട്സ് സെക്രട്ടറി ഹന്ന മെറിന്‍ ചാക്കോ നന്ദിയും പറഞ്ഞു.