രാജപുരം: ചെറുപനത്തടി സെന്റ് മേരിസ് ഇംഗ്ലീഷ് മീഡിയം സ്‌കൂളിലെ 2024- 25 അധ്യായന വര്‍ഷത്തെ സ്‌പോര്‍ട്‌സ് ഡേ നവംബര്‍ രണ്ടാം തീയതി സെന്റ് മേരിസ് കോളേജ് ഗ്രൗണ്ടില്‍ വച്ച് നടത്തി. സെന്റ് മേരിസ് കോളേജ് ഡയറക്ടര്‍ ഫാദര്‍ ജോസ് മാത്യു പാറയില്‍ കായികമേള ഉദ്ഘാടനം ചെയ്ത് സംസാരിച്ചു. കഴിഞ്ഞ വര്‍ഷത്തെ സ്‌കൂള്‍ വ്യക്തിഗത ചാമ്പ്യന്മാര്‍ ആയ അന്‍വിത സി.എം, ദിവ മരിയ പ്രസാദ് ജസ്സെ ഒലിവര്‍ റോഡ്രിഗസ്, ആരോണ്‍ ടോം ജയന്‍ എന്നിവര്‍ ചേര്‍ന്ന് ദീപശിഖ തെളിയിച്ചു.
സ്‌കൂള്‍ ലീഡര്‍ അല്‍വിന്‍ മാത്യു പ്രതിജ്ഞാ വാചകം ചൊല്ലി കൊടുത്തു. സ്‌കൂള്‍ ഹെഡ് ഗേള്‍ ശ്രീനന്ദ ആനന്ദ് ഉദ്ഘാടന ചടങ്ങില്‍ സ്വാഗതം പറഞ്ഞു. കുട്ടികള്‍ 4 ഗ്രൂപ്പുകളായി തിരിഞ്ഞാണ് മത്സരങ്ങള്‍ നടത്തിയത്. പ്രിന്‍സിപ്പല്‍ ഫാദര്‍ ജോസ് കളത്തിപ്പറമ്പില്‍, അഡ്മിനിസ്‌ട്രേറ്റര്‍ ഫാദര്‍ സാലു മാത്യു, പി ടി എ പ്രസിഡന്റ് സുരേഷ് ഫിലിപ്പ്, സ്റ്റാഫ് സെക്രട്ടറി ജിന്‍സി തോമസ് എന്നിവര്‍ കുട്ടികള്‍ക്ക് സമ്മാനങ്ങള്‍ വിതരണം ചെയ്തു. സ്‌കൂള്‍ ക്യാപ്റ്റന്‍ ആശിഷ് മാത്യു നന്ദി പ്രകാശിപ്പിച്ചു.