തിരുവനന്തപുരം: വിഴിഞ്ഞത്ത് കഞ്ചാവുമായി രണ്ടുപേര്‍ എക്‌സൈസിന്റെ പിടിയില്‍. കരിമ്ബിള്ളിക്കര സ്വദേശി അജീഷ്, പൂന്തുറ സ്വദേശി ഫിറോസ്ഖാന്‍ എന്നിവരാണ് പിടിയിലായത്. രഹസ്യ വിവരത്തെ തുടര്‍ന്ന് നടത്തിയ പരിശോധനയില്‍ ഓട്ടോറിക്ഷയില്‍ നിന്നുമാണ് ആദ്യം കഞ്ചാവ് കിട്ടിയത്. തുടര്‍ന്ന് ഇവരുടെ വീട്ടില്‍ നടത്തിയ പരിശോധനയിലും കഞ്ചാവ് കണ്ടെടുത്തു. 8.898 കിലോഗ്രാം കഞ്ചാവ് ആണ് രണ്ടിടത്ത് നിന്നുമായി കണ്ടെത്തിയത്.
നെയ്യാറ്റിന്‍കര എക്‌സൈസ് റേഞ്ച് ഇന്‍സ്‌പെക്ടര്‍ ജെ.എസ്.പ്രശാന്തിന്റെ നേതൃത്വത്തില്‍ എക്‌സൈസ് ഇന്‍സ്‌പെക്ടര്‍മാരായ റെജികുമാര്‍, സുനില്‍ രാജ്, സിവില്‍ എക്‌സൈസ് ഓഫീസര്‍മാരായ അനീഷ്, ലാല്‍കൃഷ്ണ, പ്രസന്നന്‍, വനിതാ സിവില്‍ എക്‌സൈസ് ഓഫീസര്‍മാരായ ശാലിനി, ജീനാ, സിവില്‍ എക്‌സൈസ് ഓഫീസര്‍ ഡ്രൈവര്‍ അനില്‍കുമാര്‍ എന്നിവരാണ് പരിശോധന നടത്തിയത്.