കാഞ്ഞങ്ങാട് : ഉത്തരവാദിത്തം: മനുഷ്യപ്പറ്റിന്റെ രാഷ്ട്രീയം എന്ന പ്രമേയത്തില്‍ ഡിസംബര്‍ 27,28,29 തിയ്യതികളില്‍ തൃശൂരില്‍ നടക്കുന്ന എസ് വൈ എസ് പ്ലാറ്റിനം ഇയര്‍ സമ്മേളന പ്രചരണ ഭാഗമായി എസ് വൈ എസ് സംസ്ഥാന ജന സെക്രട്ടറി ഡോ. എ പി അബ്ദുല്‍ ഹകീം അസ്ഹരി കാന്തപുരത്തിന്റെ നേതൃത്വത്തില്‍ കാസര്‍ഗോഡ് മുതല്‍ തിരുവനന്തപുരം വരെ നടത്തുന്ന മാനവ സഞ്ചാരം ഉല്‍ഘാടന സമ്മേളനം
ഈ മാസം 16 ന് വൈകിട്ട് നാല് മണിക്ക് കാഞ്ഞങ്ങാട് നടക്കും. പ്രസ്തുത പരിപാടിയുടെ പ്രചരണാര്‍ത്ഥം സോണ്‍ സംഘാടക സമിതി ‘സൗഹൃദ സന്ദര്‍ശനം’ സംഘടിപ്പിച്ചു. കാഞ്ഞങ്ങാട്ടെയും പരിസരങ്ങളിലെയും വിവിധ തലങ്ങളില്‍ നേതൃത്വം നല്‍കിയ വ്യക്തികളെ ക്ഷണിക്കാന്‍ പ്രാസ്ഥാനിക നേതൃത്വം നേരിട്ട് വീട്ടിലെത്തിയത് പലര്‍ക്കും നവ്യാനുഭവമായി വി.സി അബ്ദുല്ലാഹി സഅദി, അബ്ദുല്‍ ഹമീദ് മൗലവി കൊളവയല്‍, അബ്ദുസ്സത്താര്‍ പഴയകടപ്പുറം, ശിഹാബുദ്ദീന്‍ അഹ്‌സനി, ഹസ്സന്‍ സഖാഫി, ഹാഫിള് നദീര്‍ അശ്‌റഫി അഴിത്തല, ശബീര്‍ ഹസ്സന്‍ അതിഞ്ഞാല്‍, അബ്ദുസ്സമദ് മാണിക്കോത്ത് , ഫിറോസ് കൊട്ടിലങ്ങാട് എന്നിവര്‍ നേതൃത്വം നല്‍കി