കേരള സംസ്ഥാന ഭിന്നശേഷി കോര്‍പ്പറേഷനില്‍ നിന്നും വായ്പ എടുത്ത ഗുണഭോക്താക്കള്‍ക്ക് അവര്‍ നിര്‍മിച്ച ഉല്‍പ്പന്നങ്ങള്‍ പ്രദര്‍ശിപ്പിക്കുന്നതിനും വില്‍ക്കുന്നതിനും ദേശീയ ദിവ്യാന്‍ഗന്‍ ധനകാര്യ വികസന കോര്‍പ്പറേഷന്‍ മേള സംഘടിപ്പിക്കുന്നു. ഡല്‍ഹിയിലെ കര്‍ത്തവ്യപഥില്‍ വച്ച് ഡിസംബര്‍ 12 മുതല്‍ 22 വരെയാകും മേള നടക്കുക. വിവിധ സംസ്ഥാനങ്ങളില്‍ നിന്നുള്ള സംരംഭകര്‍ മേളയില്‍ പങ്കെടുക്കുന്നതിനാല്‍ പലവിധത്തിലുള്ള സംരംഭങ്ങളെക്കുറിച്ച് മനസ്സിലാക്കാനുള്ള ഒരു സുവര്‍ണ്ണാവസരം കൂടിയാണ് ഒരുങ്ങുന്നത്. മേളയില്‍ പങ്കെടുക്കാന്‍ താല്‍പര്യമുള്ളവരും മുമ്പ് മേളയില്‍ പങ്കെടുത്തിട്ടില്ലാത്തവരുമായ ഗുണഭോക്താക്കള്‍ പേരും മറ്റ് വിശദവിവരങ്ങളും ഉല്‍പ്പന്നങ്ങളുടെ ഫോട്ടോഗ്രാഫും ഉള്‍പ്പെടെ നവംബര്‍ 23ന് വൈകിട്ട് 3 മണിക്കകം നിശ്ചിത അപേക്ഷ ഫോറത്തില്‍ kshpwc2017@gmail.com എന്ന വിലാസത്തില്‍ അയക്കേണ്ടതാണ്. അപേക്ഷ ഫോറവും മറ്റ് വിശദ വിവരങ്ങളും www.hpwc.kerala.gov.in എന്ന വെബ്‌സൈറ്റില്‍ ലഭ്യമാണ്. കൂടുതല്‍ വിവരങ്ങള്‍ക്ക്: 0471 2322065, 9497281896 എന്ന ഫോണ്‍ നമ്പറുകളില്‍ ബന്ധപ്പെടുക.