ഷാര്‍ജ: ഡിസംബര്‍ രണ്ടിന് റോയല്‍ സ്‌പോര്‍ട്‌സ് ക്ലബ് അജ്മാനില്‍ നടക്കുന്ന ഷാര്‍ജ കിങ്സ് ആലൂര്‍ കൂട്ടായ്മയും ക്രിക്കറ്റ് പ്രീമിയര്‍ ലീഗ്-2024ന്റെ ജേഴ്‌സി പ്രകാശനം യു.എ.ഇ യിലെ പ്രമുഖ റസ്റ്റോറന്റ് ശൃംഖലയായ ടീ പാര്‍ക്ക് ഗ്രൂപ്പ് ചെയര്‍മാന്‍ റയീസ് സി എം പ്രീമിയര്‍ ലീഗ് ചെയര്‍മാന്‍ താജുദ്ദീന്‍ അലൂറിന് നല്‍കി നിര്‍വഹിച്ചു. പ്രീമിയര്‍ ലീഗില്‍ ക്യാപ്റ്റന്‍ മൊയ്തീന്‍ നയിക്കുന്ന മജാസ് ജയന്റ്, ഷാഫി ആലൂര്‍ നയിക്കുന്ന വില്ലി വാഹ്ദ, സമീര്‍ ആലൂര്‍ നയിക്കുന്ന റോള അമിഗോസ്, നൗഷാദ് അര്‍ജാല്‍ നയിക്കുന്ന യര്‍മൂക് തണ്ടര്‍ബോള്‍ട്ട് എന്നീ ടീമുകള്‍ ഏറ്റുമുട്ടും. കൂടാതെ ഫാമിലി കൂട്ടായ്മയുടെ ഭാഗമായി കുട്ടികള്‍ക്കും സ്ത്രീകള്‍ക്കുമുള്ള ഗെയിംസ്, ഗൃഹാതുരത്വം ഉണര്‍ത്തുന്ന നാടന്‍ തട്ടുകട എന്നിവ കിംഗ്‌സ് ഫാമിലി കൂട്ടായ്മക്കെത്തുന്ന മുഴുവന്‍ അതിഥികള്‍ക്കും ഒപ്പം കാണികള്‍ക്കും സൗജന്യമായി ഒരുക്കിയതായും കമ്മറ്റി അംഗങ്ങള്‍ അറിയിച്ചു. ജേഴ്‌സി പ്രകാശന ചടങ്ങില്‍ പ്രീമിയര്‍ ലീഗ് കമ്മിറ്റി ഭാരവാഹികളായ എ ടി ഖാദര്‍, മൊയ്ദീന്‍ എ എം, എ ടി റഫീഖ്, നൗഷാദ് ബിലാല്‍ എന്നിവര്‍ സംബന്ധിച്ചു.