രാജപുരം 63 -ാമത് ഹോസ്ദുര്‍ഗ് ഉപജില്ലാ കേരള സ്‌കൂള്‍ കലോത്സവത്തിന്റെ ട്രോഫി പവലിയന്‍ കമിനീയമായി അലങ്കരിച്ച് ട്രോഫി കമ്മിറ്റി. കലോത്സവ വിജയികള്‍ക്ക് നല്‍കാനുള്ള ഓവറോള്‍ ചാമ്പ്യന്‍സ് ട്രോഫികള്‍, എല്‍. പി, യു. പി, ഹൈസ്‌കൂള്‍, ഹയര്‍സെക്കന്‍ഡറി എന്നിവയ്ക്ക് പ്രത്യേകമായി ഒന്നാം സ്ഥാനക്കാര്‍ക്കും രണ്ടാം സ്ഥാനക്കാര്‍ക്കുമുള്ള ട്രോഫികള്‍, വ്യക്തിഗത ട്രോഫികള്‍ എന്നിവ വളരെ ആകര്‍ഷകമായാണ് ട്രോഫി കമ്മിറ്റിയുടെ നേതൃത്വത്തില്‍ പ്രത്യേകം തയ്യാറാക്കിയ പവലിയനില്‍ പ്രദര്‍ശിപ്പിച്ചിരിക്കുന്നത്. മത്സരഫലങ്ങള്‍ വരുന്ന മുറയ്ക്ക് വ്യക്തിഗത ട്രോഫികളും സര്‍ട്ടിഫിക്കറ്റുകളും ഇവിടെ വച്ച് വിതരണം ചെയ്യും.