പെരിയ: കേരള കേന്ദ്ര സര്‍വകലാശാലയിലെ ആരവല്ലി സെന്റര്‍ ഫോര്‍ ഹെല്‍ത്ത് ആന്റ് മെഡിക്കല്‍ സര്‍വ്വീസസിന്റെ ആഭിമുഖ്യത്തില്‍ ആയമ്പാറ കാലിയടുക്കം കമ്മ്യൂണിറ്റി ഹാളില്‍ മെഡിക്കല്‍ ക്യാമ്പ് സംഘടിപ്പിച്ചു. സ്വാതന്ത്ര്യ സമര പോരാളിയും ഗോത്ര ജനതയുടെ വീര നായകനുമായ ഭഗവാന്‍ ബിര്‍സ മുണ്ടയുടെ ജന്മദിനം ഗോത്ര വര്‍ഗ്ഗ സ്വാഭിമാന ദിനമായി ആഘോഷിക്കുന്നതിന്റെ ഭാഗമായി നടത്തിയ ക്യാമ്പില്‍ നിരവധിയാളുകള്‍ പങ്കെടുത്തു. മരുന്നുകള്‍ വിതരണം ചെയ്തു. മെഡിക്കല്‍ ഓഫീസര്‍ ഡോ. ആരതി ആര്‍ നായര്‍, നഴ്സിംഗ് ഓഫീസര്‍ ഇ. ദിവ്യ, എന്നിവര്‍ നേതൃത്വം നല്‍കി. പ്രോഗ്രാം നോഡല്‍ ഓഫീസര്‍ ഡോ. ഗുജ്ജേട്ടി തിരുപ്പതി, ഊരുമൂപ്പന്‍ രാജന്‍ തുടങ്ങിയവര്‍ സംബന്ധിച്ചു.