പാലക്കുന്ന് : ജില്ലാ സ്‌പോര്‍ട്‌സ് കൗണ്‍സിലിന്റെ അംഗീകാരത്തോടെ ജില്ലാ ആം റെസിലിംഗ് അസോസിയേഷന്റെ ആഭിമുഖ്യത്തില്‍ പഞ്ചഗുസ്തി ചാമ്പ്യന്‍ഷിപ്പ് ഞായറാഴ്ച രാവിലെ 10 മുതല്‍ ഉദുമ പഞ്ചായത്ത് കമ്യുണിറ്റി ഹാളില്‍ നടക്കും. സബ് ജൂനിയര്‍, ജൂനിയര്‍, യൂത്ത്, സീനിയര്‍, മാസ്റ്റേഴ്‌സ് പുരുഷ, വനിത വിഭാഗങ്ങളില്‍ നടത്തുന്ന മത്സരം ജില്ല സ്‌പോര്‍ട്‌സ് കൗണ്‍സില്‍ പ്രസിഡന്റ് പി. ഹബീബ് റഹ്മാന്‍ ഉദ്ഘാടനം ചെയ്യും.
പഞ്ചായത്ത് പ്രസിഡന്റ് പി. ലക്ഷ്മി അധ്യക്ഷത വഹിക്കും. മുന്‍ എം എല്‍ എ കെ. വി. കുഞ്ഞിരാമന്‍ മുഖ്യാതിഥിയായിരിക്കും. ബേക്കല്‍ പോലിസ് ഇന്‍സ്പെക്ടര്‍ കെ. പി. ഷൈന്‍ സമ്മാനങ്ങള്‍ വിതരണം ചെയ്യും. ശരീര ഭാര നിര്‍ണയം ശനിയാഴ്ച രാവിലെ 9 മുതല്‍ 12 വരെ കാഞ്ഞങ്ങാട് മീത്തല്‍ ജിമ്മില്‍ നടക്കുമെന്ന് ജില്ല ആം റെസലിംഗ് അസോസിയേഷന്‍ സെക്രട്ടറി പള്ളം നാരായണന്‍ അറിയിച്ചു.
ഫോണ്‍ : 9447037405.