കാസറഗോഡ് :കേരള ജേര്‍ണലിസ്റ്റ്‌സ് യൂണിയന്‍ ( കെ.ജെ.യു) ജില്ലാ സമ്മേളനം ഇന്നും നാളെയും (ഡിസംബര്‍ 25, 26 തീയ്യതികളില്‍) കുമ്പള ഡി.എം കബാന റിസോര്‍ട്ടില്‍ വെച്ച് നടക്കും. 25 ന് വൈകിട്ട് 4 മണിക്ക് പതാക ഉയര്‍ത്തല്‍. 26ന് രാവിലെ 9.30ന് രജിസ്‌ട്രേഷന്‍.10.30ന് എ.കെ.എം അഷ്‌റഫ് എം.എല്‍.എ ഉദ്ഘാടനം ചെയ്യും.സംഘാടക സമിതി ചെയര്‍മാന്‍ സുരേന്ദ്രന്‍ ചീമേനി അധ്യക്ഷനാകും.
കുമ്പള പഞ്ചായത്ത് പ്രസിഡന്റ് യു.പി താഹിറ യൂസുഫ്, കെ.ജെ.യു സംസ്ഥാന പ്രസിഡന്റ് അനില്‍ ബിശ്വാസ് എന്നിവര്‍ മുഖ്യാതിഥികളാകും. കെ.ജെ.യു സംസ്ഥാന ജന.സെക്രട്ടറി കെ.സി സ്മിജന്‍ മുഖ്യപ്രഭാഷണം നടത്തും. ജില്ലാ പഞ്ചായത്തംഗം ജമീല സിദ്ധീഖ്, ബ്ലോക് പഞ്ചായത്ത് സ്ഥിരം സമിതി അധ്യക്ഷന്‍ അഷ്‌റഫ് കര്‍ള, ഡി.സി.സി അംഗം മഞ്ചുനാഥ ആള്‍വ, ബി.ജെ.പി കുമ്പള പഞ്ചായത്ത് പ്രസിഡന്റ് സുജിത്ത് റൈ, സി.പി.ഐ.എം കുമ്പള ഏരിയ സെക്രട്ടറി സി.എ സുബൈര്‍, മുസ്ലിം ലീഗ് മണ്ഡലം ജന.സെക്രട്ടറി എ.കെ ആരിഫ്, കെ.ജെ.യു സംസ്ഥാന ഭാരവാഹികളായ പ്രകാശന്‍ പയ്യന്നൂര്‍, പ്രമോദ് കുമാര്‍, മഞ്ചേശ്വരം താലൂക്ക് ഭരണ ഭാഷാ വികസന സമിതി ചെയര്‍മാന്‍ അബ്ബാസ് കെ.എം ഓണന്ത സംസാരിക്കും.
തുടര്‍ന്ന് പ്രതിനിധി സമ്മേളനം കെ.ജെ.യു സംസ്ഥാന പ്രസിഡന്റ് അനില്‍ ബിശ്വാസ് ഉദ്ഘാടനം ചെയ്യും. കെ.ജെ.യു ജില്ലാ പ്രസിഡന്റ് അബ്ദുല്‍ ലത്തീഫ് ഉളുവാര്‍ അധ്യക്ഷനാകും. സെക്രട്ടറി സുരേഷ് കൂക്കള്‍ സ്വാഗതം പറയും. ഐ.ജെ.യു എക്‌സിക്യൂട്ടീവ് അംഗം ബാബു തോമസ് മുഖ്യ പ്രഭാഷണം നടത്തും. സമ്മേളനത്തിന്റെ ഒരുക്കങ്ങള്‍ പൂര്‍ത്തിയായതായി സംഘാടക സമിതി ഭാരവാഹികള്‍ അറിയിച്ചു.