രാജപുരം കാസര്‍ഗോഡ് സഹോദയ സ്‌കൂള്‍ കോംപ്ലക്‌സ് റോളര്‍ നെറ്റഡ് ബോള്‍ ചാമ്പ്യന്‍ഷിപ്പ് ചെറുപനത്തടി സെന്റ്‌മേരിസ് ഇംഗ്ലീഷ് മീഡിയം സ്‌കൂളില്‍ വെച്ച് നടത്തി. അണ്ടര്‍ 14, അണ്ടര്‍ 16 എന്നീ വിഭാഗത്തില്‍ ഒന്നാം സ്ഥാനം നേടി കാഞ്ഞങ്ങാട് ക്രൈസ്റ്റ് സിഎംഐ പബ്ലിക് സ്‌കൂള്‍ ഓവറോള്‍ ചാമ്പ്യന്മാരായി. ഇരുവിഭാഗത്തിലും രണ്ടാം സ്ഥാനം നേടിയ ആതിഥേയരായ ചെറുപനത്തടി സെന്റ് മേരിസ് ഇംഗ്ലീഷ് മീഡിയം സ്‌കൂള്‍ ആണ് ഫസ്റ്റ് റണ്ണറപ്പ്. പടുപ്പ് സാന്‍ ജിയോ സെന്‍ട്രല്‍ സ്‌കൂള്‍ മൂന്നാം സ്ഥാനം കരസ്ഥമാക്കി. വിജയികള്‍ക്ക് സര്‍ട്ടിഫിക്കറ്റും ട്രോഫിയും കാസര്‍ഗോഡ് സഹോദയ സ്‌കൂള്‍ കോംപ്ലക്‌സ് പ്രസിഡന്റും ചെറുപനത്തടി സെന്റ് മേരിസ് ഇംഗ്ലീഷ് മീഡിയം സ്‌കൂള്‍ പ്രിന്‍സിപ്പലുമായ ഫാദര്‍ ജോസ് കളത്തിപ്പറമ്പില്‍ വിതരണം ചെയ്തു.