രാജപുരം : ഹിന്ദു ഐക്യവേദി കള്ളാര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ മലയോരത്ത് നിന്നും പ്രയാഗില്‍ നടന്ന മഹാകുംഭമേളയില്‍ പങ്കെടുത്ത തീര്‍ഥാടകരെ ആദരിച്ചു. ഹിന്ദു ഐക്യവേദി ജില്ലാ പ്രസിഡന്റ്‌റ് എസ്.പി.ഷാജി ഉദ്ഘാടനം ചെയ്തു. പേരടുക്കം ദുര്‍ഗ ദേവി-ധര്‍മശാസ്താ ക്ഷേത്ര കമ്മിറ്റി പ്രസിഡന്റ് സി.നാരായണന്‍ ജ്യോത്സ്യര്‍ അധ്യക്ഷത വഹിച്ചു. ഹിന്ദു ഐക്യവേദി ജില്ലാ രക്ഷാധികാരി കെ.ഗോവിന്ദന്‍ കൊട്ടോടി, ജനറല്‍ സെക്രട്ടറി രാജന്‍ മുളിയാര്‍, വൈസ് പ്രസിഡന്റ് കെ.വി.കുഞ്ഞിക്കണ്ണന്‍, താലൂക്ക് എന്നിവര്‍ സംസാരിച്ചു. വി.കുഞ്ഞിക്കേളു നായര്‍, വി.കുഞ്ഞിക്കൃഷ്ണ്ണന്‍ നായര്‍, സതീഷ് കുമാര്‍ ചേടിക്കുണ്ട്, പത്മനാഭന്‍ മഞ്ഞങ്ങാനം, ജയചന്ദ്രന്‍ ബാനം, സുരേഷ് മാടക്കല്ല്, കുഞ്ഞമ്പു മാവുങ്കാല്‍, ഉമേശന്‍ ബാനം, മധുസൂദനന്‍ അടോട്ടുകയ, ബാലു കൊട്ടോടി എന്നിവരെ ആദരിച്ചു.
പഞ്ചായത്ത് കമ്മിറ്റി പ്രസിഡന്റ് ചന്ദ്രന്‍ വാഴവളപ്പ് സ്വാഗതവും സെക്രട്ടറി രാജന്‍ വണ്ണാത്തിക്കാനം നന്ദിയും പറഞ്ഞു.