രാജപുരം: സംസ്ഥാന സര്‍ക്കാരിന്റെ മാലിന്യമുക്ത കേരളം പദ്ധതിയുടെ ഭാഗമായി രാജപുരം സെന്റ് പയസ് ടെന്‍ത് കോളജിനെ ഹരിത കലാലയമായി പ്രഖ്യാപിച്ചു. മാലിന്യനിര്‍മാര്‍ജന പ്രവര്‍ത്തനങ്ങളില്‍ കോളേജ് കൈവരിച്ച നേട്ടങ്ങള്‍ പരിഗണിച്ചാണ് ഹരിത കലാലയ പ്രഖ്യാപനം നടത്തിയത്. കോളേജ് സെമിനാര്‍ ഹാളില്‍ വച്ച് നടന്ന ചടങ്ങില്‍ കള്ളാര്‍ പഞ്ചായത്ത് പ്രസിഡണ്ട് ടി.കെ നാരായണന്‍ ഹരിത കലാലയ പ്രഖ്യാപനം നടത്തി. ഹരിത കേരള മിഷന്‍ കാസര്‍ഗോഡ് കോഡിനേറ്റര്‍ കെ ബാലകൃഷ്ണന്‍ മുഖ്യാതിഥിയായിരുന്നു. കോളേജ് പ്രിന്‍സിപ്പാള്‍ ഡോ. ബിജു ജോസഫ്, ഹരിത കേരള മിഷന്‍ ബ്ലോക്ക് കോഡിനേറ്റര്‍ കെ കെ രാഘവന്‍, എ കെ രാജേന്ദ്രന്‍, എന്‍ എ അനുശ്രീ, ഡോ. അഖില്‍ തോമസ്, ഡോ. മോനിഷ പി ജെ, ഡോ. ഇ പാര്‍വതി, അതുല്യ കുര്യാക്കോസ് എന്നിവര്‍ പ്രസംഗിച്ചു.