പെരിയ (കാസര്‍കോട്): കേരള കേന്ദ്ര സര്‍വകലാശാലയില്‍ വിവിധ ബിരുദാനന്തര ബിരുദ കോഴ്‌സുകളിലെ പ്രവേശനത്തിന് രജിസ്ട്രേഷന് ആരംഭിച്ചു. മെയ് 10 വരെ സര്‍വകലാശാലയുടെ വെബ്‌സൈറ്റ് www.cukerala.ac.in സന്ദര്‍ശിച്ച് രജിസ്റ്റര്‍ ചെയ്യാം. മെയ് 15ന് റാങ്ക് ലിസ്റ്റ് പ്രസിദ്ധീകരിക്കും. രാജ്യത്തെ വിവിധ സര്‍വകലാശാലകളിലേക്കും ഉന്നത വിദ്യാഭ്യാസ സ്ഥാപനങ്ങളിലേക്കും നാഷണല്‍ ടെസ്റ്റിംഗ് ഏജന്‍സി (എന്‍ടിഎ) നടത്തിയ പൊതുപ്രവേശന പരീക്ഷ (സിയുഇടി – പിജി)യില്‍ പങ്കെടുത്തവരാണ് രജിസ്റ്റര്‍ ചെയ്യേണ്ടത്. 26 ബിരുദാനന്തര ബിരുദ പ്രോഗ്രാമുകളാണ് സര്‍വ്വകലാശാലയിലുള്ളത്. എം.എ. എക്കണോമിക്സ്, എം.എ. ഇംഗ്ലീഷ് ആന്റ് കംപാരറ്റീവ് ലിറ്ററേച്ചര്‍, എം.എ. ലിംഗ്വിസ്റ്റിക്സ് ആന്റ് ലാംഗ്വേജ് ടെക്നോളജി, എം.എ. ഹിന്ദി ആന്റ് കംപാരറ്റീവ് ലിറ്ററേച്ചര്‍, എം.എ. ഇന്റര്‍നാഷണല്‍ റിലേഷന്‍സ് ആന്റ് പൊളിറ്റിക്കല്‍ സയന്‍സ്, എം.എ. മലയാളം, എം.എ. കന്നഡ, എം.എ. പബ്ലിക് അഡ്മിനിസ്ട്രേഷന്‍ ആന്റ് പോളിസി സ്റ്റഡീസ്, എംഎസ്ഡബ്ല്യു, എംഎഡ്, എംഎസ്സി സുവോളജി, എംഎസ്സി ബയോകെമിസ്ട്രി, എംഎസ്സി കെമിസ്ട്രി, എംഎസ്സി കംപ്യൂട്ടര്‍ സയന്‍സ്, എംഎസ്സി എന്‍വിയോണ്‍മെന്റല്‍ സയന്‍സ്, എംഎസ്സി ജീനോമിക് സയന്‍സ്, എംഎസ്സി ജിയോളജി, എംഎസ്സി മാത്തമാറ്റിക്സ്, എംഎസ്സി ബോട്ടണി, എംഎസ്സി ഫിസിക്സ്, എംഎസ്സി യോഗ തെറാപ്പി, എല്‍എല്‍എം, മാസ്റ്റര്‍ ഓഫ് പബ്ലിക് ഹെല്‍ത്ത്, എംബിഎ – ജനറല്‍ മാനേജ്മെന്റ്, എംബിഎ – ടൂറിസം ആന്റ് ട്രാവല്‍ മാനേജ്മെന്റ്, എംകോം എന്നിവയാണ് പ്രോഗ്രാമുകള്‍. കൂടുതല്‍ വിവരങ്ങള്‍ക്ക് www.cukerala.ac.in സന്ദര്‍ശിക്കുക. ഇ മെയില്‍: admissions@cukerala.ac.in