കാലിച്ചാനടുകം : മലയോര മേഖലയിലെ മികവിന്റെ കേന്ദ്രമായ കാലിച്ചാനടുക്കം ഗവണ്‍മെന്റ് ഹൈസ്‌ക്കൂളിലെ എസ് എസ് എല്‍ പരീക്ഷ എഴുതിയ വിദ്യാര്‍ത്ഥികള്‍ക്കായി കരിയര്‍ ഗൈഡന്‍സ് ക്ലാസ് വിഷന്‍ 2024 സംഘടിപ്പിച്ചു. വൈ എം സി എ കാലിച്ചാനടുക്കം സംഘടിപ്പിച്ച കരിയര്‍ ഗൈഡന്‍സ് ക്ലാസ് ചെബേരി വിമല്‍ ജ്യോതി എഞ്ചിനീയറിംഗ് കോളേജ് പ്രഫസര്‍ ഷിജിത്ത് തോമസ് നേതൃത്യം നല്‍കി. വിഷന്‍ 2024 ഉദ്ഘാടനം പി ടി എ പ്രസിണ്ടന്റ് എ വി മധു നിര്‍വഹിച്ചു. എസ് എം സി ചെയര്‍മാന്‍ ദാസന്‍ വാളാപ്പാടി അദ്ധ്യക്ഷത വഹിച്ചു. ഹെഡ്മിസ്ട്രസ് ഷേര്‍ളി ജോര്‍ജ് സ്വാഗതവും, ക്ലാസ് ടീച്ചര്‍ പ്രമോദനി നന്ദിയും പ്രകാശിപ്പിച്ചു. വൈ എം സി എ കാലിച്ചാനടുക്കം പ്രസിണ്ടന്റ് എം ജെ ബേബി, സീനിയര്‍ അസിസ്റ്റന്റ് കെ വി .പദ്മനാഭന്‍, സ്റ്റാഫ് സെക്രട്ടറി വി കെ ഭാസ്‌കരന്‍ , മദര്‍ പി ടി എ പ്രസിഡണ്ട് പ്രജിത ജയരാജ് എന്നിവര്‍ ആശംസകളര്‍പ്പിച്ചു സംസാരിച്ചു. കരിയര്‍ ഗൈഡന്‍സ് പ്രോഗ്രാമില്‍ മലയോരത്തെ നൂറിലധികം വിദ്യാര്‍ത്ഥികള്‍ പങ്കെടുത്തു. വിദ്യാര്‍ത്ഥികളുടെ സംശയ നിവാരണം, കരിയര്‍ മോട്ടീവേഷന്‍, പുതിയ കോഴ്‌സുകളെ കുറിച്ചുള്ള അറിവുകളും ജോലി സാധ്യത , എന്നിവയെല്ലാം ചര്‍ച്ച ചെയപ്പെട്ടു.