കാസര്‍കോട് ജില്ലയുടെ നാല്‍പതാം വാര്‍ഷീകത്തിന്റെ ഭാഗമായി ജില്ലാ ഇന്‍ഫര്‍മേഷന്‍ ഓഫീസും അക്ഷര ലൈബ്രറിയും സംയുക്തമായി
കാസര്‍കോട് @ 40 ക്വിസ് മത്സരം സംഘടിപ്പിച്ചു. എ.ഡി.എം കെ.വി ശ്രുതി മത്സര വിജയികള്‍ക്ക് സമ്മാനം നല്‍കി. കളക്ടറേറ്റ് ടീം അംഗങ്ങളായ വി.കെ അഖില്‍, എം. ഉദയപ്രകാശ എന്നിവരുടെ ടീം ഒന്നാം സ്ഥാനം നേടി. കമ്പല്ലൂര്‍ സ്വദേശികളായ രത്നാകരന്‍ കെ.വി അധ്യാപകന്‍, എം.പി ശ്രീനിവാസന്‍ ജൂനിയര്‍ ഹെല്‍ത്ത് ഇന്‍സ്പെക്ടര്‍ എന്നിവരുടെ ടീം രണ്ടാം സ്ഥാനവും കൃഷിവകുപ്പ് ജൂനിയര്‍ സൂപ്രണ്ട് കെ. കുഞ്ഞി കൃഷ്ണന്‍ മൂന്നാം സ്ഥാനവും നേടി. തദ്ദേശ സ്വയംഭരണ വകുപ്പ് എഞ്ചിനീയറിങ് വിഭാഗം ഉദ്യോഗസ്ഥന്‍ പത്മനാബന്‍ കാടകം ക്വിസ് മാസ്റ്ററായി. കൃഷിവകുപ്പ് ജീവനക്കാരനായ സുനില്‍ കുമാര്‍ സാങ്കേതിക സഹായം നല്‍കി. അക്ഷര ലൈബ്രറി സെക്രട്ടറി മുകുന്ദന്‍ മാണിമൂല, പ്രസിഡന്റ് എ.ആശ ലത, അസിസ്റ്റന്റ് ഇന്‍ഫര്‍മേഷന്‍ ഓഫീസര്‍ എ.പി ദില്‍ന എന്നിവര്‍ നേതൃത്വം നല്‍കി.