തിരുവനന്തപുരം: കേരളത്തില് പലയിടങ്ങളിലും ഇന്ന് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ഒറ്റപ്പെട്ടയിടങ്ങളില് ഇടിമിന്നലോടു കൂടിയ ശക്തമായ മഴക്ക് പുറമേ ശക്തമായ കാറ്റുവീശുമെന്നും മുന്നറിയിപ്പുണ്ട്.മഴ മുന്നറിയിപ്പിനെ തുടര്ന്ന് മൂന്നു ജില്ലകളില് ഇന്ന് ജാഗ്രതാ നിര്ദ്ദേശം നല്കിയിട്ടുണ്ട്. കോഴിക്കോട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്. മധ്യ പടിഞ്ഞാറന് ബംഗാള് ഉള്ക്കടലിനും തമിഴ്നാടിനും സമീപ പ്രദേശത്തായി ഒരു ചക്രവാതച്ചുഴി നിലനില്ക്കുന്നുണ്ട്.തെക്കന് ആന്ധ്രാ തീരത്തിനും വടക്കന് തമിഴ് നാട്നും സമീപത്തായി ബംഗാള് ഉള്ക്കടലില് മറ്റൊരു ചക്രവാതച്ചുഴിയും നിലനില്ക്കുന്നു. ഇതിന്റെ സ്വാധീനഫലമായാണ് മഴ തുടരുന്നത്. കേരളാ തീരത്ത് ഉയര്ന്ന തിരമാലകള്ക്ക് സാധ്യത ഉണ്ട്. കാറ്റിനെയും ഇടിമിന്നലിനെയും തുടര്ന്ന് കേരളത്തിലെ ജനങ്ങള് ജാഗ്രത പാലിക്കമാണെന്ന് കാലാവസ്ഥാ വകുപ്പ് അറിയിക്കുന്നു.